不少人都注重「Work–Life Balance」，公私分明放工後不會理會公事。但不是所有工作都能這樣做，近日有網民就以「點睇用兩部手機的年輕同事」為題出帖，表示工作重視同事溝通，但有年輕同事收工後就不看工作手機，結果要自己跟其他資深同事幫忙「食晒佢哋啲手尾」，引起不少網民熱議。
- 網民以「點睇用兩部手機的年輕同事」為題出帖，表示年輕同事收工後就不看工作手機，結果要自己跟其他資深同事要幫忙「食手尾」
- 樓主抱怨：「年輕同事返工做唔曬嘅嘢，到放工又理所當然覺得應該休息，搞到同事食晒佢哋啲手尾。」
- 網民意見兩極，有人認爲：「市場會淘汰呢啲人」；亦有網民認爲：「做係人情唔做係道理」
【相關報道】打工仔過重被公司嫌肥扣過萬人工！網民質疑：呃錢騙局？【下一頁】
網民在香港討論區出帖，表示自己做兒童照顧工作，需要輪班，所以同事之間的溝通非常重要，也經常會在工作 Group 討論。然而，他的 3 名 90 後同事就擁有工作及私人兩部手機，一收工就不會看工作手機。結果，這幾名同事經常「跟錯曬啲嘢」，公司有新安排又要等他們在線，所以其他同事需要「犧牲放工時間就佢哋。」樓主進一步抱怨，說：「最過份係佢哋自己返工做唔曬嘅嘢，到放工又理所當然覺得應該休息，搞到同事食晒佢哋啲手尾。」所以他不禁問：「其實年輕人咁強調私人時間唔理公事，有冇問題，算唔算自私？定只係我呢啲老一輩太重責任心，太習慣畀工作勞役？」
帖文很快就引來網民熱議，然而意見就十分兩極。有網民贊成樓主，表示：「返工前後交接好工作係最起碼，咁都做唔到就要換人」、「連一份工作嘅責任心都冇，炒得」、「工作時間內都做唔好當天工作，就無盡到員工本份啦」、「年輕同事責任心是差些了，又講要公私分明，是難以溝通」、「市場會淘汰呢啲人！再請人啦！而家咁多人搵工！」
然而亦有網民認同 90 後同事的生活態度，表示：「咁老實講，私人時間真係唔應該做工作上嘅嘢嘅，做係人情唔做係道理」、「你打緊工定做緊奴隸，放工咪休息下囉」、「工作態度好多時同人工待遇有關」、「好睇唔起啲將工作擺係人生首位嘅人」、「你請人時有冇講明先」、「根本公司事唔應該依賴社交媒體，有任何工作上交帶手尾應該用公司嘅系統。」
【相關報道】【社畜悲歌】早 2 分鐘收工遭減薪 3 個月！網民斥：OT 又唔見補水【下一頁】
【相關報道】返新工跟上司食貴價 Welcome Lunch 埋單方知 AA 制直言「真係呆咗」【下一頁】
即刻用 App 睇更多產品開箱科技影片＞ https://bit.ly/3wBb2QV
Source：香港討論區