不少公司在遇上新人入職時也會邀其一同用膳，以表歡迎。不過近日一名新入職的打工仔卻埋怨，指自己轉新工首日上班，上司邀請一同進食午膳，而挑選的餐廳亦是貴價日本餐廳。誰料，「埋單」時卻是「AA 制」各自付款，令他大感震驚，認為上司為人吝嗇。
- 不少新人入職時上司也會邀請一同用膳，以表歡迎
- 一名打工仔大呻，轉新工首日獲上司邀請到貴價日本餐廳用膳
- 結果埋單時卻是「AA 制」各自付款，令打工仔不禁斥上司吝嗇
該名轉新工的打工仔在網上討論區上以「人生第一次食 welcome lunch 係要 AA 制」為題，大呻自己轉新工首日的經歷。初時他表示上司看上為人友善，更在入職當日向其表示「我哋 team 3 個人大家要好好努力」，之後更提議一同到日本餐廳進食午膳，以歡迎其加入。
到達餐廳時，打工仔表示看到餐牌上的套餐售價約是一百錢元，當時他便心想，「正常應該上司一次過請晒，所以心諗佢個人都幾好呀，都 500 蚊架嘛」。誰料在結帳時，上司查看收據後便為各人計好價錢，此時打工仔方知原來這頓所謂的「Welcome Lunch」是要「AA 制」付款，他坦言，「個下真係呆 X 左，心諗唔係要我比呀？我見同事都找錢出黎，我就扮下野拎銀包」而上司見到打工仔有所遲疑的時候便詢問「係咪冇散紙呀」，更大方地表示「唔緊要啦，一陣 payme 我都得呀」。
打工仔聞言後大感無言，表示自己過往工作時也有吃過類似的「Welcome Lunch」，當時均由時任上司付款，認為現任上司的舉行令其大為震驚，他表示「因為個上司想 welcome 你，應該係上司比錢啦！冇錢的話，就算係車仔麵都冇所謂呀，點會冇啦啦個下屬要出錢先得架？」
對此，網民意見兩極，有網民認為上司其實並無義務請新同事吃飯，「老憑請架？！同你一齊食飯等你熟識下啲人，方便工作咋，呢啲歡迎會從來冇講過唔洗比錢」、「除非有得出公數，否則唔應該期望任何同事要自己出錢洗響另一同事/上司/下屬身上，更何況係未過試用期，隨時聽日就l ast day 變返陌生人既新人」、「第一日返工唔係大晒架」、「同事一齊lunch，就算人請你，你都唔好意思啦，都俾番錢人啦。」。不過也有網民認同樓主的看法，「太 cheap 啦佢」、「咁我真係未試過要AA喎，第一日返工喎...你係咪就係個啲上司」、「唔係單單係同事呀嘛，
係上司喎」。
【相關報道】西班牙將試行 4 天工作周 或成全球首個推行國家【下一頁】
【相關報道】同事買＄500 燒賣當「散水餅」 網民羨慕：正啊！食燒賣放題【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel
Source：香港討論區