3 大媽自稱「關愛座管理員」追罵腳傷少女 網民:妄想症仲竟然三個一齊聚集

| Kay | 28-05-2019 17:48 | |

關愛座如今已淪為「批鬥座」,但凡有人(尤為年青人)坐下,必被追罵收場。最近就有網民在討論區出 post 提到,自己一位有腳傷的 10 多歲女兒與同學乘搭東鐵,期間女兒坐了關愛座不久,就被 3 位自稱「關愛座管理員」的大媽出言指罵「缺乏公民教育,不肯讓坐給老人,應要再教育」!即使女兒已表明自己有腳傷,膝蓋曾動手術,不可長時間站立,可是自稱「關愛座管理員」的 3 位大媽還繼續罵個不停,還恐嚇女兒和同學會將拍了的片段放上網。其後女兒和同學因為受驚,沒有理會自稱「關愛座管理員」的 3 位大媽便離去。

【相關報道】TVB 主持關宛珊嘆斷腳趾都冇得坐關愛座!慘被阿婆單打迫讓座

【相關報道】九巴終表態指關愛座人人可坐!網民:某些人覺得必然屬於他們

樓主亦在這個 post 提到「香港實在有太多道德判官,關愛座並不等於老人座,有需要使用關愛座的人並不是一定在外觀上讓其他人用肉眼見到她們的需要」,有感現時的關愛座文化已被扭曲。其實不只樓主,部分網民看了這個 post 後,都有感「難怪有時啲關愛座旁企晒人都冇人坐」,以及「其實以前無關愛座,反而全民讓座,而家唔係坐關愛座的就攞正牌唔使讓咁,根本就本末倒置」。

之不過,有網民笑指「如果有人同我講,佢哋係關愛座管理員,我會答佢,咁我係關愛座董事長」、「妄想症仲竟然三個一齊聚集!真係無奇不有!」、「此情此景十足十當年大陸 ...... 街坊保長」,認為自稱「關愛座管理員」的 3 位大媽行為荒謬。至於有其他網友看了此 post 後,則分享類似被老人家恃老賣老的關愛座批鬥經歷,甚至有留言提到:「同事大肚都試過畀呢類人叫佢起身讓坐,咩人都有。」

精選網民留言:

  • 擺明班阿毛喺度恰學生,佢哋都痴痴哋。而家太多人拍片,下次叫阿女速逃算了。
  • 此情此景十足十當年大陸 ...... 街坊保長。
  • 如果有人同我講,佢哋係關愛座管理員,我會答佢,咁我係關愛座董事長,有需要人士就可以坐關愛座,敢影相/拍片唔刪除,我炒咗你之後就報警。呢啲人欺善怕惡,一定要輸人唔輸陣
  • 仲要追到落車,有必要嗎?下次再遇到,真係要立即向港鐵職員求助,點知會唔會癲到玩跟蹤
  • 好多阿叔阿嬸,見係學生小朋友,就會罵佢哋,蝦細路
  • 因為我自己都試過,也是腳傷,而且當時是有包紮的!都有兩個阿嬸批鬥我 ...... 話我包腳扮傷,當時巴士仲有其他位(後一行),都要如此做......
  • 管理員佢又坐埋一份,佢座位試坐員就真
  • 難怪有時啲關愛座旁企晒人都冇人坐。 遇過類似,冇坐關愛座,坐喺玻璃旁邊個位,冇哈哈笑公仔
  • 妄想症仲竟然三個一齊聚集!真係無奇不有!
  • 同事大肚都試過畀呢類人叫佢起身讓坐,咩人都有。

關愛座如今已淪為批鬥座,但凡有人(尤為年青人)坐下,必被追罵收場。最近就有網友分享腳傷女兒被自稱「關愛座管理員」的 3 位大媽的追罵經歷。

樓主亦在這個 post 提到「香港實在有太多道德判官,關愛座並不等於老人座,有需要使用關愛座的人並不是一定在外觀上讓其他人用肉眼見到她們的需要」,有感現時的關愛座文化已被扭曲。

有網友坦言「其實以前無關愛座,反而全民讓座,而家唔係坐關愛座的就攞正牌唔駛讓咁,根本就本末倒置」。

另有網友笑指「如果有人同我講,佢哋係關愛座管理員,我會答佢,咁我係關愛座董事長」。

【相關報道】老伯轟不讓關愛座!女子被迫回應「我罹癌了」全車秒靜

【相關報道】疲憊女孩關愛座熟睡!手機播「需要讓坐請叫我」 

Source: Baby Kingdom

相關文章

Page 1 of 21