香港車多泊位少，咪錶位一直供不應求，但其實一直都有不少咪錶位被人非法佔用，只不過政府一直沒有打擊。有網民在 Facebook 群組「馬路的事討論區」內分享自己好不容易等到一名咪錶過時的車主取車，但對方卻告知自己的車位要留給朋友，叫樓主不要泊，樓主向對方指該停車位是公眾錶位，不能預留的時候，對方更放棄取車，稱改乘其他交通工具到目的地，不少網民直斥該名「霸位」車主「人無恥便無敵！」
【相關報導】
據樓主指，自己當時在大埔翠和里等候咪錶位，當時正在等待的錶位早已逾時，而涉事的車主回來取車時向樓主表示自己要走，但該車位要留給朋友，意指樓主不能泊該車位，但樓主心有不甘向對主表示「咁樣唔得啊，呢度係公眾架嘛」。對方見樓主不肯等其他車位，竟決定不取車霸著咪錶位，並改乘公共交通工具。令樓主在網上發文怒斥「公家錶位幾時變咗私人車位？假期一位難求，仲要理所當然唔入錶再霸埋位畀埋朋友！」
不少網民見到樓主分享都紛紛留言指樓主當時就該報警處理，「緊係同阿 sir 講，開單啦，有生意」、「應該第一時間 1823 報警」、「報警一鋪過等人認住呢個陀衰家」、「然後佢唔繼續入錶就拍照報警抄佢一鑊」。有網民亦為樓主大感不值，「佢個腦用咩構造，個位要給朋友，不如同政府買咗個位佢，我真係笑佢白痴」、「錶位世襲制，一代傳一代，呢個錶位係我九代單傳落嚟㗎」、「最好成世都唔好走」。
有網民更指對方只是為啖氣，「為咗啖氣玩嘢，點知玩埋自己，又係申請做名人」、「下次我都揸架車去轉巴士先」、「呢 D 咪叫做『轉乘計劃』慳返好多架」、「個錶位你買咗呀？泊一世呀笨，無腦又無品學人做老豆。」、「驚死蝕底左俾人」、「有無同佢講隨便你呀！搭車好！記得兩個鐘內好返來入錶喎！」
【相關報導】
【相關報導】
Source：馬路的事討論區 @ Facebook