中同火鍋聚會因夾錢不成不歡而散!網民:係朋友就唔會計咁多

| Kay | 21-02-2019 12:41 | |

當一群中同(中學同學)長大後,還會有定期聚會吹吹水談談近況,可講人生其中最快樂的事情。不過正所謂:「講錢傷感情」,即使跟中同的友誼有多深厚,最後也可能會因財失義收場。只因最近有網民出 post 談及一次「中同聚會在家吃火鍋因夾錢不成不歡而散」的經歷,樓主提到早前有朋友負責中同聚會,會去一個人的家中吃火鍋,人數有 20 人左右。惟當搞手提到「唔熟街市嘢」,其好友提出「我去買料,包食包飲有海鮮有靚肉啤酒,你哋(其他中同)想人頭 HK$200 定 HK$300 等搞手好預啲」之時,則有人提出反對,兼且因為金錢問題而吵架,最終不歡而散。

【相關報道】科大生出錢出力幫上莊慘被要求 Quit Hall!網民:去小額錢債審裁處

【相關報道】巴打以為老闆派錯 $2000 開工利是問應否退還! 網民:派咗畀你就係你㗎啦

出 post 的樓主已利申自己是贊成中同聚會搞手好友所提的「預人頭費再買料」方案,並補充事件中搞手好友提出的「預人頭費再買料」原意:1)可以睇住銀碼嚟買,因為人多又唔知大家心中想出幾錢,就開心見誠問;會買靚海鮮,本地手切牛。2)非先收錢,是預每位上限,可以每位 100 / 150 / 200 / 250 / 300 如此類推,睇餸食飯嚟買。

之不過,有中同雖然提出「出去任食係垃圾,想食新鮮海鮮、本地手切肥牛」,但卻反對搞手好友「預人頭費再買料」方案,原因是質疑:1)點解未買就計人頭,驚走數?使唔使咁;2)點解咁快定價錢?到時散場先夾唔得咩;3)點解要食貴野?我唔係好食海鮮;4)每人收工買啲上去得啦,錢都唔洗夾,志在聚吓。

如果大家看到以上中同聚會參加者的經歷,你有哪些意見呢?其實不少網民支持搞手好友所提的「預人頭費再買料」方案,「一陣超咗支,每人 400、500 仲衰」、「有個預算再就住買幾好丫,打邊爐食丸又得食象拔蚌又得,呢啲嘢真係有平有貴,預好唔駛到時有人唔滿意。同埋而家又唔係話要夾定,只係講個大約數好預算啫」、「係朋友就唔會計咁多啦」,甚至有網友鬧爆提出反對的中同:「有人肯主動買料,嗱嗱聲畀錢講唔該啦,成班 Hi Hi」、「出心出力都被人鬧,班人真係無恥」。

講真,要辦一個有 20 人參與的中同聚會認真不易,不過有巴打認為一眾中同與其在家吃火鍋,又要事前購買及準備食材,事後又要洗碗清潔如此麻煩,不如「去火鍋店搞聚會啦,乾手淨腳」,兼暗嘲事件中反對搞手好友提議的中同「幾百蚊嘈嘈閉,乞兒冇錢扮乜嘢豪客」。

精選網民留言:

  • 搞打邊爐,預人頭 budget 拎個大數買料我覺得幾好,一陣超左支,每人 400、500 仲衰
  • 唔畀定錢,到時又話貴又點畀說話聽  
  • 有個預算再就住買幾好丫,打邊爐食丸又得食象拔蚌又得,呢啲嘢真係有平有貴,預好唔駛到時有人唔滿意。同埋而家又唔係話要夾定,只係講個大約數好預算啫,出心出力都被人鬧,班人真係無恥
  • 唔預人頭無 budget 點買料?驚 cap 水咪自己去買留返單囉 
  • 有人肯主動買料,嗱嗱聲比錢講唔該啦,成班 Hi Hi 
  • 收定先都好正常,當每人 300,如果做準備嗰個人咪要自己出咗先,都要畀咗 6,000 先喎 
  • 班大帝咁麻煩,不如去火鍋店搞聚會啦,乾手淨腳 
  • 呢啲咁嘅朋友唔識好過識。齋講肥牛都已經好多級數,價錢,口感已經差好遠。 
  • 出街食啦不如,幾百蚊嘈嘈閉,乞兒冇錢扮乜嘢豪客
  • 係朋友就唔會計咁多啦 

最近有網民出 post 談及一次「中同聚會在家吃火鍋因夾錢不成不歡而散」的經歷。

樓主更補充事件中搞手好友提出的「預人頭費再買料」原意,以及提出反對搞手好友「預人頭費再買料」方案的原因。

當中有人提出「話出去任食係垃圾,想食新鮮海鮮、本地手切肥牛」,但卻反對搞手好友「預人頭費再買料」的提議,原因是「點解要食貴野?我唔係好食海鮮」。

有人提出反對搞手好友「預人頭費再買料」方案的原因,只是「每人收工買啲上去得啦,錢都唔洗夾,志在聚吓」。

不過一眾網民對搞手好友所提的「預人頭費再買料」方案,表示支持,有網友鬧爆提出反對的中同「出心出力都被人鬧,班人真係無恥」。

【相關報道】打工賺錢買手機被父母沒收!高中生嘆不合理:已每天都唸書

【相關報道】9歲「百厭星」拜年入房搗亂 偷錢兼用千元護膚神仙水淋仙人掌?

Source: hkgolden

相關文章

Page 1 of 16