中國人喜歡甚麼也要掃 QR code，食飯畀錢、買東西要掃 QR code 付款，但想不到連去廁所也要掃 QR code 二維碼！有網民在高登討論區上載了一張相片，表示去廁所拎幾格廁紙都要掃 QR code，更「曲線」笑稱香港科技認真落後，國家認真強大咁話。
咁又係，小記去商場廁所一入廁格就有廁紙供應，無廁紙嘅廁所更要 blacklist，都未有見過要掃 code 先可以拎廁紙。又難怪網民們見到這張相片，也爭相留言。
【精選消息】
【精選消息】
網民除了「曲線」大讚強國好先進外，更笑稱如果無電話，真係連廁所都無得去；又謂去廁所都要被監控，問及會否連沖廁都要掃 QR code。此外，有網民妙問「如果肚痾點算？」、又謂中國人果然急耐力驚人，一路急去廁所，還要拎電話開 app 掃 code，再等佢 load 一 load 先拎到廁紙，一個忍唔住真係一褲都係。
當然，也有網民一語道破說出事實，指因為中國有好多人會偷廁紙，所以先有這個設計。假如他日你有機會返大陸，去廁所時就要留意了。
Source：hkgolden