香港人搬到毗鄰的深圳居住，深圳物價指數較低，有冇得諗？網民 Western_Sausage 日前在香港討論區發帖，題為「住深圳的香港同事話 quality of life 高左」。樓主在帖子表示：「自從公司 expand 到 SZ，有同事直頭搬上 SZ 住，租個一千尺單位都唔洗 $10k，公司又包每日 $100 交通費，有事先 call back 返中環，最正就係人工不變，繼續出 HKD，攪到我也心思思唔再住九龍站上蓋。」
租金便宜、住大屋、交通津貼、人工不變。講到咁正斗，小記都想北上返深圳打工，日日揼骨，爽呀！截稿前，帖子贏得 72,727 個點擊率，941 則留言。網民對北上深圳生活反應熱烈，踴躍討論。
【精選消息】
「心境差好遠」
有網民認同北上深圳住好啲，高質啲：「今次你又唔膠得晒. 我有朋友都係住深圳. 以前 5000 蚊租太子湯房, 現在在深圳住兩房定三房好似.」、「唔計其他野。剩講住既地方大左，個人心景都差好遠。其次食既選擇多左，唔使成口對住茶記啲頹飯。」樓主支持：「呢個又真，深圳 D 野食又多又抵又好味。」
租緊樓應該北上
網民甲：「如果唔係買左樓, 而係租緊樓, 租近返工地方會係合理選擇. 我指既係上面 Office 附近.」樓主：「我租成 30k 係公司附近，太貴了」咁很貴，樓主是咪返 ICC，租住九龍站豪宅呢？
【精選消息】
未婚冇仔女 當然住深圳
網民乙：「如果深圳上班，未婚冇仔女，當然住深圳。」樓主疑惑：「份工需要深圳中環/九龍兩邊走。點解有仔女就唔可以住深圳？我未有仔女所以唔明，相信深圳教育唔會差，我幫騰訊 recruit 人都有 D 深圳大，接受深圳教育。」
網民乙解釋：「我弟弟之前係深圳生活，仔女也是讀國際學校。沒有本地戶籍，不能入讀一般學校。」樓主疑似外國的月亮特別圓：「咪仲好，反正係香港我都唔會比仔女讀本地學校。」
「有能力者在香港」
網民丙突破盲腸：「有能力者在香港，冇能力者翻大陸！政府都係行緊呢套政策。」遭樓主狠批：「吃不到的葡萄是酸的，明嘅。」網民丙不示弱：「區區個一雞，可以有幾葡萄，住劏房都 7,8 千拉，冇料扮大袋。」網民丁撐樓主：「閣下（網民丙）的理論 在下不敢苟同。你可知道現在深圳的企業要求有多高？」
網民丙還擊：「高極咪又係大學畢業，香港除左文員，sales，份份都要大學畢業！又幾高呀，洗吾洗哈佛畢業！再者你又知吾知，大陸 d 人才入吾到大陸 d 大公司做，就過嚟用專才計劃嚟香港，你又知吾知！識小小扮代表」遭不少網民夾攻：「食蕉啦，系度播毒!我支持上深圳住，大把人認同」、「扮哂代表，井底之蛙。」、樓主：「唔好以為來香港就一定係二等專才」。
【精選消息】
其它網民留言，節錄如下：
- 都有聽過人咁講，我都信，但過唔倒自己心理果關
- 支持你地番深圳住
- 住九龍站呢 d 常色都唔色
- 儍的媽？一年超過 180 日要俾大陸税。卽曰來回都算一日。
- 两年前我先生深圳工作，租羅湖，一千五百尺，三萬人仔，深圳一啲都唔便。
- 膠 post. 住九龍湾又吹九龍站
Source：香港討論區