神秘顧客協會公布最新「全球微笑報告」，在全部 29 個國家及地區中，香港排行尾五，比去年的尾二，上升三位。
香港史上最高分
在今年的「全球微笑報告」，香港取得 66 分，比去年的 57 分上升 9 分；也是香港自 2010 年參與「全球微笑報告」排名以來的最高得分；兼且終於衝出多年來的「尾三甲」，首次在 29 個國家及地區中排名尾五。
交通業表現最曳
神秘顧客會到訪各個受測國家及地區的 30 多個行業進行測試評估。香港方面，表現最差的是運輸及交通服務業，得 23 分；電訊業則獲 79 分，是表現最好的行業。
【精選消息】
【精選消息】
而在「全球招呼語指數」方面，全球平均分是 82 分；香港只得 67 分，排行尾三。
神秘顧客協會主席黃兆良認為，香港在全球排名較後位置，屬不理想。他希望各行業要提升服務質素，僱主亦要改善僱傭關係，包括提供開心的工作環境。
【精選消息】
神秘顧客協會於 2017 年派出 2,000 多名神秘顧客，就全港 30 多個服務性行業，「微服」進行逾 3 萬次訪問和評分；再把數據交往全球神秘顧客組織整合，繼而得出排名。
網民：根本全香港各行各業都西口西面
如此頂癮話題，好難不成為網上熱話。有網民在「巴打絲打 Facebook Club」面書群組發帖討論，吸引不少網民響應。節錄網民精警留言如下：
- 以前葵興民政事務處啲人先夠黑面！
- 講黎都多_魚，你唔諗下香港服務業幾_辛苦，日捱夜捱賺雞碎咁少夠交租定夠食飯，人口又多做唔停、工時長又唔請多 d 人幫手（文字經過處理）
- 我返工炸。。我唔係賣笑
- 香港人普遍無禮貌，態度西，服務業又點樣好禮貌，態度係雙向既
- 外國人永遠笑面 say thankyou... 中國香港人在外國做餐館,黑口黑面對客人,好似客人求乞...有中國人地方,都有死面樣對客人
- 若果大家上咗架的士，行行下你望到中間塊倒後鏡見到的士司機喺度笑咪咪，會唔會有啲驚呢!
- 準時送到你就收嘢，利申運輸
- 有冇諗過扮笑其實都好辛苦？
- 香港太多買得細巴_閉既客 利申 做左十年飲食業（文字經過處理）
Source：hket, 巴打絲打FacebookClub