【日本實試】SmarTone 漫遊數據體驗免煩惱!真正做到安心出行

| 周傳禮 | 16-12-2022 03:41 | |

SmarTone 早前推出了「漫遊數據全日 / 多日通」服務,讓大家以超值價錢擁有 8  天漫遊數據,而且就算有剩餘天數都可以在一年內再次使用,極具彈性。最近 ezone.hk 就乘日本公幹,於日本實試 SmarTone 5G 漫遊,體驗免換 SIM 卡、免 SETTING、一落地就用到的漫遊數據服務。 

SmarTone 新出「漫遊數據全日 / 多日通」服務,8 日(買 7 日送 1 日)售價由 HK$178 起,支援 5G 網絡,售價相當抵,而且未用完的日數可在一年內再次使用,最岩一年去幾次旅行的朋友。每天有全速 1GB 數據供使用,其後任用速度將不高於 512kbps,但用家可以隨時 Top-Up 1GB 全流數據。即睇記者在日本關西不同地區的使用體驗。

Location 01:關西機場落地即上網

飛機一落地,就已經收到漫遊訊號,不用拎 SIM 針換 SIM 卡,更加不用去 Setting 入 APN,簡單方便又快捷。由於日本入境要 QR Code,可以即時登入提取,方便妥當。另等行李時,更可以隨時搜尋如何前往下一個目的地(如:心齋橋),不用考慮機場 Wi-Fi 訊號的強弱及速度,使用體驗就好似身在香港一樣,一開電話就搵到所需資料。

Location 02:心齋橋打卡兼搵美食

久未到心齋橋,立即拎電話拍片打卡,打完卡再即刻 Send 畀朋友,26 秒影片只要 20 秒就成功傳送,速度快到以為身在香港。而且心齋橋美食多多,即刻連上「tabelog.com」搵搵附近的美食,完全不用擔心錯過新開的美食。

Location 03:大阪城.通天閣.黑門市場打卡

去到大阪,好自然會去大阪城、通天閣及黑門市場等地。大阪城空曠、通天閣樓宇較多較密、黑門市場更加多人,三種情況都會對訊號有影響,但現在不論是上網搵景點資料,還是打卡影相,SmarTone 漫遊數據都可做到無縫上網,完全不會因地點而影響體驗,幾抵讚。

Location 04:日本環球影城煲劇免呆等

再去環球影城玩,休息或者排隊時,煲下劇亦是不錯的選擇。打開 Netflix 睇熱播片,畫面質素無起格,聲音正常,而且跳播都立即 Load 到,沒有載入時間,效果確實不俗。

Location 05:京都站搵路

玩完大阪去京都,於京都站上網溫書,確認一次如何前往清水寺。打開 Apple Map 搜尋路綫,結果即刻看到路綫,即可以安心出發。

Location 06:清水寺紅葉直播

及至清水寺,紅葉遍山,美景當前,當然要直播分享。雖清水寺的清水舞台位處山上,但 5G 漫遊數據依然能滿足直播需要,遍山紅葉盡收 IG 帳號之內,加上久未登寺,震撼之情瀝瀝在目。

Location 07:錦市場輕鬆嚐豆腐料理

一早去完清水寺,少不了去錦市場食飯。輕輕鬆鬆品嚐馳名的豆腐料理之時,更可以啟動 WI-Fi Hotspot,將漫遊數據分享至 MacBook 上網,即時查看酒店資料;網頁載入速度等完全無問題,體驗相當好。

溫提:隨時可 Top-Up 加上限

再次提提大家,SmarTone 早前推出了「漫遊數據全日 / 多日通」服務為每天全速 1GB 數據供使用,其後任用速度將不高於 512kbps。當用完 1GB 全速數據,用家將會收到 SMS 提示,並可以 HK$30 / 1GB 進行 Top-Up;申請方法好簡單,只要在回覆 SMS,內容為「1」就得。

查詢:SmarTone 漫遊數據多日通服務 

【相關文章】【飛日本】SmarTone 漫遊數據計劃實試!即送空中飛機跨境漫遊數據

【相關文章】SmarTone 推「漫遊數據多日通」外遊服務!限時再送落地當天數據流量

即刻【按此】,用 App 睇更多產品開箱科技影片

Source:ezone.hk

相關文章

Page 1 of 11