港人製作 超神似 LEGO 牛池灣消防局+消防車

| 何兆洋 | 16-09-2021 17:51 | |
港人製作 超神似 LEGO 牛池灣消防局+消防車

不少人都是 LEGO 迷,並會自行創作。最近在 facebook 便有一個名為「YamaJason Brick」的新專頁,其 LEGO 作品獲得不少讚賞。最新作品便有消防車及牛池灣消防局,看起來非常神似。

  • 最近在 facebook 便有一個名為「YamaJason Brick」的新專頁,其 LEGO 作品獲得不少讚賞
  • 最新作品便有消防車及牛池灣消防局,看起來非常神似
  • Jason 覺得香港嘅消防局外形設計獨特,很容易便可認出是香港的消防局,所以砌了這個作品出來

【相關報道】

製作這個作品的 Jason 向 ezone 記者表示,小時候到朋友家玩,第一眼見到 LEGO 已經愛上,他覺得 LEGO 最吸引之處就係佢有無限個砌法,可以砌出自己的世界。至於為何出消防車,他解釋從小就鍾情重型車輛,對消防車、重型貨車、拖頭等都十分著迷,當中他又覺得香港嘅消防局外形設計獨特,很容易便可認出是香港的消防局,所以砌了這個作品出來。

這個牛池灣消防局和消防泵車,看起來就像微縮模型。Jason 表示大概消防泵車用了一個月多的時間創作,消防局則用了半個月左右。 「消防泵車難度好高,經歷咗幾次差啲想放棄嘅階段。最主要係比例、外觀及可玩性 ( 如車打可打開 ) 三者之間取平衡好困難。例如你著重外觀,會想用 LEGO 某啲零件呈現車身出嚟,但用咗呢啲件可能會令部車嘅比例或者可玩性減低。而消防局方面,較困難嘅係比例,因為創作上你只要砌多或砌少兩格闊,成個比例已經會有明顯差別,如果砌到一半先發現比例大或細咗啲,就要由頭改過晒。」

Jason 這個 facebook 專頁開了不久,已獲好些同好關注,甚至希望可以訂製。Jason 表示,接下來會嘗試砌其他種類的消防車,進一步完成這個消防系列。

【相關報道】

其他影片


Source:YamaJason Brick

相關文章

Page 1 of 11