【安心出行】點餐後填資料發現個資任睇 事主要求退款遭待應惡劣對待

| 徐慧兒 | 23-04-2021 15:48 | |

港府早前放寬餐廳堂食限制,要求食客必需掃描「安心出行」App 或留下個人資料方能進入餐廳用膳。不過,近日一名網民卻在 Facebook 群組上大呻因沒有掃描安心出行,選擇填寫個人資料,發現餐廳毫不遮擋食客的個人資料,續讓下一名食客填寫,擔心個人資料被盜而要求退款,但遭店員態度惡劣對待,更直言「一肚氣」!

  • 防疫措施下要求食客進入餐廳用膳前,掃描「安心出行」App 或填寫個人資料
  • 事主填寫個人資料後,表格毫無遮擋地讓下一名食客填寫
  • 因擔心個人資料外露而要求退款,但遭店員態度惡劣對待

樓主在 Facebook 群組內以「呢間餐廳請多幾個呢啲呀姐 ,個老闆真係唔洗做生意」為題,表示日前到大角咀某餐廳堂食。當她進入餐廳時,職員已經態度不友好地「呼喝」自己量度體溫並在點餐機點餐,之後選擇掃描「安心出行」二維碼或填寫個人資料。事主表示自己填寫個人資料後也「相安無事」。

不過她突然發現餐廳所提供給食客填寫資料的表格「怪怪地」,因她的個人資料是填寫在一份印有多行的表格上,即自己填寫資料後,下一名食客會在下方繼續填寫,表示下一名食客在填寫時,可以對自己的個人資料一覽無遺。事主便向職員反映,「咁下個食客咪見到我電話囉?」,但職員卻不以為然地回覆指,「個個都係咁填架啦,你咪 download APP 囉」,事主建議餐廳可以將自己已填寫的一行撕下來或以其他方法保存,明確地告知「唔想電話號碼可以公開呀。」

誰料,職員卻態度惡劣地表示「無架喎,個個都係咁填,一係你 download APP 囉,你有得揀㗎!」事主聞言後,便表示自己沒有下載「安心出行」App,不過既然餐廳堅持要以這種方式收集食客的個人資料,便提出退單,「咁唔怕啦,我唔食啦,宜家落左單一分鐘,你快啲叫廚房唔好整啦,應該仲趕得切架」。惟職員再次拒絕,表示「部機我開唔到喎,退唔到錢比你架喎,你唔食可以走,唔會退錢比你」。

事主好心提議可以待經理開機後,翌日再帶同收據到店取回退款。但職員態度仍然極度惡劣地地表示「比咗錢邊可以退錢架,你唔食咪走囉。」對此,事主表示「一肚氣」!

帖文發布不足一日,便引來大量網民留言和轉發,不少網民均覺得餐廳是有意為之,「佢一定係有心嘅我覺得」、「X 佢啦!個人資料係私隱,有咩可能俾晒人睇」、「搵私隱公署同佢講啦」、「最大問題是犯咗個人私隱條例」。同時有網民便「獻計」,「我自己見到呢啲 list,我會選擇填滿成版紙,一係好似樓主咁轉場,可惜樓主俾咗錢冇得退」、「我寧願佢畀張紙仔我自己寫」。

【相關報道】《安心出行》用戶紀錄會上傳衛生署  供執法人員使用兼「留底」7 年【下一頁

【相關報道】食客拒用《安心出行》強進麥當勞光顧  揮拳打職員後逃去【下一頁

想睇盡全城最 Hit 科技生活影片,請即【按此】瀏覽同埋 subscribe ezone.hk 嘅 YouTube channel

Source:Facebook @ 中伏飲食報料區

相關文章

Page 1 of 18