香港迪士尼樂園重開了一段日子，而入場人數亦十分多，連續多日都出現全場爆滿的情況。日前，現年 4 歲患有先天性心臟病的「小鐵漢」Kansas 就跟家人到迪士尼樂園遊玩，但就被遊客質疑「用『小鐵漢』個名向職員攞著數插隊」，令父親 Jayco 大感無奈。Jayco 事後在 Facebook 澄清小鐵漢擁有傷殘證，呼籲大家「少一點仇視多一點關愛」。
- 現年 4 歲患有先天性心臟病的「小鐵漢」Kansas 就跟家人到迪士尼樂園遊玩，但就被遊客質疑「用名氣插隊」
- 「小鐵漢」父親 Jayco 澄清他被定義為「身體機能長期或永久受損」，所以持有殘疾人士登記證並享有迪士尼樂園的賓客援助服務卡
- Jayco 希望大家明白每個人都有幸運及不幸，並呼籲大家「少一點仇視多一點關愛」
【相關報道】迪士尼遊客輪流扮跛坐輪椅！為搏坐表演「頭等席」？【下一頁】
「小鐵漢」爸爸 Jayco 於 Facebook 專頁「巴打絲打『00 九吹專區』Facebook Club」出帖，表示他們全家到迪士尼樂園遊玩，期間有遊客認到他們。然而，這名遊客竟指責他們利用名氣插隊，並對著他們指指點點。Jayco 補充，說過往亦有網民指責「小鐵漢好巴閉，連隊都唔洗排」，讓他無奈之餘感到不忿。他澄清，「小鐵漢」年僅 4 歲已經歷 5 次手術，所以在醫學上被定義為「身體機能長期或永久受損」，並持有殘疾人士登記證。由於迪士尼樂園有關愛機制，因此「小鐵漢」獲得一張賓客援助服務卡，可與 5 位同行親友使用。除了跟角色拍照需排隊外，其他設施都不用排隊。
Jayco 指出，希望別人在怪責前嘗試理解背後的原因。他特地出帖並非想證明殘疾人士有特權，而是希望大家明白每個人都有幸運及不幸：「小鐵漢因為健康上嘅不幸，所以可以幸運地喺迪士尼嘅關愛基制下唔使排隊；正如你健康上冇不幸，先可以有幸喺迪士尼排隊一樣。」
不少網民見到後都撐 Jayco，表示：「與其響度話人唔洗排隊，不如感恩自己個細路係正正常常要排隊果個啦」、「樂園有個咁嘅機制，唔係應該要尊重返人地規則咩？」、「如果有得揀佢地所謂特權同小朋友健康，相信大家都會揀後者」、「明知小鐵漢經歷過咁多次心臟手術，身體一定弱啲㗎啦！讓下佢又何況呢？」、「好驚訝點解香港人可以將仇恨建築喺啲不幸嘅小朋友身上」、「唔洗為葡萄嘅人動氣，只需在乎支持你嘅人而快樂」、「能夠正常地同其他人一樣排隊，都已經好幸運」另外，亦有遇過類似情況的網民留言說：「我仔係智力上面嘅殘疾冇人明白，寧願小朋友健健康康我都唔需要傷殘証，我絕對明白你」、「我寧願個仔身心健康！排隊排到天荒地老！都唔想要張關愛證」、「我情願唔攞呢張卡啦，攞得呢張卡都冇好嘢其實嗰個葡萄有冇諗過㗎」正如 Jayco 所說，只希望「大家少一點仇視，多一點關愛。」
【相關報道】【好人好事】輪椅老人搭的士主動付附加費 老實司機婉拒獲暖心答謝【下一頁】
【相關報道】「咁大個仔仲去女廁！」過來人媽媽訴苦望體諒有特殊需要的小孩【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：巴打絲打「00 九吹專區」Facebook Club