不少港人都遇過不老實的「黑的」，結果被亂收費十分不愉快。日前就有的士司機在 Facebook 專頁「的士司機資訊網 Taxi」出帖，分享遇上輪椅乘客的經歷。最後更因爲自己老實，所以獲得對方暖心答謝，十分窩心。
- 有的士司機分享，表示遇上輪椅乘客對方主動讓他收多 $5 輪椅錢，但他就誠實婉拒
- 最終，對方道謝後還是特地放低 $15，讓他十分感恩
- 不少網民都留言大讚樓主好心，有司機亦解釋：「乘客賴以行動既輪椅不能收（錢），冇人坐既輪椅同 BB 車可以收。可惜有為數不少既乘客都唔知。」
【相關報道】【好人好事】的士司機多收＄40 用盡方法退款 正直舉動獲乘客大讚兼「獎勵」【下一頁】
樓主表示，早前載到一位坐輪椅的老人與他的女兒，落車時咪錶顯示 $65。這時候，老人的女兒就主動讓他收多 $5 輪椅錢，但樓主就婉拒，表示：「輪椅係唔收錢架！有老人傷殘人坐緊係上面唔會收！」對方回答：「啲司機次次都收！」但樓主就強調：「冇人坐嘅就會收！」不過，對方道謝後還是特地放低 $15。讓樓主開心地表示：「啲客咁樣比法，好快夠錢去日本旅行！」
不少網民都留言，大讚：「你好心，所以有好報！好司機遇上好乘客」、「師兄都係一個好好嘅的士司機，做返一個正常有禮貌嘅人，往往都有所得著」、「又係一個互相尊重的例子，社會係需要更多這種令人開懷的訊息」、「司機態度好通常都比貼士的」亦有網民講述親身經歷，指：「我婆之前用輪椅，每次都有收，收已經事少，係好多司機見我地截車都扮睇唔到，或即冚旗唔載客，試過一個鐘頭都冇車肯停」、「朋友輪椅每次都收，繁忙時間司機見佢截車都扮睇唔到，而家都直接 call 上到輪椅既車算。」
其他的士司機亦留言補充，說：「BB 車收錢係道理，唔收係人情。傷健輪椅收錢果啲叫_街，遲早個司機斷腳」、「運輸處張紙以前寫 BB 車唔收，現在那張寫明要收，輪椅就唔收」、「乘客賴以行動既輪椅不能收，冇人坐既輪椅同 BB 車可以收。可惜有為數不少既乘客都唔知。」以誠相待，以禮相處，雙方都更開心呢。
【相關報道】醉酒女以 2 萬元卡地亞錶付＄78 車資！的士司機欲交還結局超驚喜【下一頁】
【相關報道】的士司機新年載客派 ＄10 利是！驚喜反獲外籍客 ＄500 回禮【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：的士司機資訊網 Taxi