本港大部分商場均設有育嬰室，方便帶同嬰幼兒的家長可以餵奶或更換尿布等，但卻不時出現被濫用的情況。近日一名港媽於 Facebook 發文抱怨，指打算到商場的育嬰室餵奶，但發現裡面竟被一名男士霸占「煲劇」，一怒之下她便向商場服務台投訴。
- 本港大多數商場也設有育嬰室方便攜同嬰幼兒的家長
- 港媽抱怨欲到商場育嬰室餵奶但遭無品男霸占
- 不少家長紛紛留言大感同情，呼籲其他人不要濫用育嬰室
港媽在 Facebook 群組內發帖，大呻日前帶同女兒到荃灣某商場，期間女兒感到肚餓，於是便打算到育嬰室餵奶。當時她看到育嬰室正有人使用，便在門外等候，但等候期間深感「唔對路」，指「入面嘅人係到睇戲咁，勁大聲」，於是便從門下的縫隙偷看，看到一個「好污糟嘅書包」。之後港媽便拍門詢問「係咪餵緊奶？」，誰料回應的是一把男人聲。
港媽聞聲後大怒，便到服務台找保安並向其表示「餵奶室有個男人！」惟保安的態度非常懶散地指：「哦，好，我入去睇。」隨後一名男子便走出育嬰室，其外表更是極不整潔，認為商場需要消毒保安室。港媽直言眼見女兒肚餓但育嬰室遭濫用感到「勁嬲」！
不少網民紛紛留言同情港媽的遭遇，並表示自己也眼見不少育嬰室被濫用的情況，「真係好多人當育嬰室係休息室㗎。我曾經就撞過一家大細幾個人係入面開餐，連𡃁仔成 7，8 歲，仲差電打埋機。離晒譜，拍門先肯開門，仲要覺得阻住佢哋咁」、「污糟都唔係重點，男人老狗入去做乜」、「明㗎，我都有類似經驗。有次個女開咗大，我企係個育嬰室等咗半個鐘，打去搵人嚟開門，拍極門唔應，一爆門走 2 個 1x 歲男出嚟，係入面煲劇食薯片」、「有啲人係果度瞓覺添」、「我都試過係 vcity 隔離間餵奶房有兩個𡃁妹食煙，我一路餵奶就聞住佢嘅煙味」。
【相關報道】兒子新年只有一封利是 單親媽：沒人脈沒爸只能認命【下一頁】
【相關報道】聘代母生 10 孩仍不夠 23 歲闊太：想要 105 個子女【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel
Source：Facebook @ 巴打絲打「13親子育兒」