今日（11 日）雖為年三十，一眾打工仔理應「輕輕鬆鬆又一 day」，但有巴打就出 post 提及公司選擇於今早裁員，見證「兩個隔離基金部門同事喊晒咁口執嘢」的慘況。沒錯佳節當前收到大信封是慘到無朋友，不過有網友則覺得「當休息下，好好放埋呢幾日假再算」。
- 今日（11 日）雖為年三十，一眾打工仔理應「輕輕鬆鬆又一 day」，但有巴打就出 post 提及公司選擇於今早裁員
- 巴打直言「兩個隔離基金部門同事喊晒咁口執嘢」
- 網友反應兩極
【相關報道】N95 口罩大賣仍難敵疫情 3M 宣布全球裁員 2900 人【下一頁】
這位巴打對於公司選擇年三十裁員的舉措，確是相當不滿，直斥公司度縮：「雙糧出咗，但過年後 B 仔平均都有 4 個月」，以及「雖然係外資啫，但部門同 HR 阿 head 都係香港人，咁都唔知」。當然有部分網民有感樓主公司想「慳得就慳」，更指「咁咪唔使出 bonus」、「過年前炒慳番筆開工利是」。
雖然如此，但有網友認為巴打公司裁員，對員工而言未必是壞事。有留言提到：「當成個社會開始進入裁員時代，你愈早被裁，揾啲可以係而家環境做到生意嘅公司去見工，請你嘅機會越大」、「東家唔打，打西家，當休息吓， 好好放埋呢幾日假再算」，甚至有人直言：「金融業個 job market 其實唔差」，「啲基金經理出去自己炒吓股票會唔會賺得仲多？」
【相關報道】機師擔憂失業想學水電傍身 空姐打算去學開鎖？【下一頁】
【相關報道】妻患病＋弟染疫亡＋自己被裁員 英國黑仔王意外中頭獎獲 1000 萬【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source: lihkg