原本母親計劃留層樓畀你，結果因為家姐未婚大肚，母親竟想賣樓送新樓給家姐，終引來弟弟不滿兼且大嘆「變成乜嘢都係家姐個肚優先，我就變成咩都無。」引來不少網民留言熱論，更反指弟弟「咪又係擔心自己無咗層樓」。
- 弟弟吐苦指家姐未婚大肚，母親想賣舊樓送新樓給家姐
- 計劃留給弟弟的一層樓，將變賣給家姐
- 弟弟嘆「變成乜嘢都係家姐個肚優先，我就變成咩都無」
有網友在討論區以題為「禮金未傾掂，但家姐比佢男友搞大咗」，指自己家姐性格和善，「好就得人」，更感覺其男朋友「食住」家姐。樓主指本來姐姐跟男友年初已經傾結婚嘢，樓主媽媽開出 15 萬禮金，但男方因禮金問題一直未傾好，更暗指其母親賣女。結果疫情下無得擺酒就一拖再拖，最近家姐更表示自己懷孕有咗。樓主指母親思想傳統，不想家姐大肚擺酒，更想約男方落實結婚的一切，但男方卻懶懶閒，更指生完小孩才結婚也不介意。又續指母親「緊張囉囉孿咗成個幾星期」，更表示要睇樓，為小朋友有好校網，想買跑馬地新樓。
樓主指屋企本身有兩層樓，一層母親自住，另一層現時放租，並計劃於日後留給樓主，但因為現時要買新樓，母親想放售原本留給樓主的一層樓，再買新樓給家姐。因而嘆「變成乜嘢都係家姐個肚優先，我就變成咩都無」，又指「而家勁憎佢條仔」。樓主最後提到與家姐關係 ok，但而家影響到自己將來，可以做啲咩？
有網民就指出層樓係外母出錢買嘅，女婿都唔會對你家姐太差，當為家姐著想；有網民則指「唔應該貼樓嫁女，等你家姐同佢男友自己諗掂佢。」此外，更有網民直言「一切錢作怪。」更罵樓主「扮乜嘢關心家姐，你擔心自己無咗層樓。」此外，亦有網民搞笑地想出妙計，直言叫樓主搵女朋友搞大個肚，到時「內孫勁過外孫多多聲」。
【其他報道】【狠母教仔】港媽掉仔入垃圾桶懲罰？ 網民擔心小孩感染病毒【下一頁】
【其他報道】P 牌福士連撞「拉利」＋「瑪莎」成熱話 富三代鍾培生為涉事 Ferrari 車主【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：discuss.com.hk