玩具店聘員工午飯 30 分鐘懂日文 月薪 1 萬被網民斥「榨壓員工」

| 徐慧兒 | 18-11-2020 16:27 | |

香港不少企業裁員炒人,失業率創新高,雖則要搵工,但遇著這些刻薄要求就要三思。近日一間玩具店於 Facebook 專頁刊登招聘帖文,唯聘請要求刻薄,一星期要上 6 天班、每天工作 8 小時,食飯時間僅得 30 分鐘,兼且還要識日文,導致招聘帖文一出即被網民批評店主趁疫情榨壓員工。

  • 一間玩具店在 Facebook 刊登的招聘帖文
  • 唯條件刻薄,食飯時間僅得 30 分鐘,又要懂日文,月薪為 $9,000 - $10,000
  • 網民批評店主趁疫情期間榨壓員工

該專頁於招聘帖文中表示需聘請長工一名,一星期工作 6 天,逢星期一休息。工作時間為下午 1:30 - 9:30,期間僅有半小時食飯時間。要求應徵者上班需準時、不怕辛苦、略懂日文、有記性,更指如收錯錢或找錯錢的話,要自行賠償。月薪為 $9,000 - $10,000。

原本條件刻薄的招聘帖文

帖文隨即引來大量網民批評,指店主開出的工資與其要求及工時不成正比,「自己唔捱得又計唔掂數,就唔好學人開舖啦」、「差在未要求識飛」、「想知係咪真係會有人做」、「呢啲舖咪就係趁而加多人失業係到壓榨人」、「得半個鐘食飯,仲要得一皮?」、「識日文都呢個數」、「我比返$500 你試一日工,我會係你部收銀機屙篤屎就走」。

最初的招聘條件被網民狂批榨壓員工

店主的招聘帖文疑因受到太多網民評擊,店主於同日晚上近 10 時左右重新發帖,表示「經各位聲音及意見。現聘請長工一名」,一星期工作 6 日,工作時間卻延長至中午 12 時至晚上 10 時;食飯時間延長至 1 小時,月薪增加至 $14,000 - $15,000。另指試用期過後,薪金會再作調整。不過同時對應徵者的要求,亦增加至需要大學畢業或日文 3 級能力以上和需有 2 年或以上工作經驗,原有的上班需準時、不怕辛苦等要求維持不變。

店主指經吸取網民意見後更改的招聘條件

可惜即使店主已經提高月薪薪金及食飯時間,但此招聘要求仍被不少人批評,「升高咗人工,彷彿好似從善如流,requirement 同時都升咗,3 級日文加兩年經驗都仲要逗你 14/5k,都真係幾失敗」、「算死草點會死錯人,改長咗工時呀,仲要搵大學生做」、「睇落似多咗人工,但日番多一個半鐘,另外要大學畢業或 3 級日語,換多 4k」。

經網民的聲音及意見調整後的招聘要求同樣被網民批評

【相關報道】39 歲高齡孕婦出「半薪」倍感壓力  斥失業丈夫依然「嘆慣」【下一頁

【相關報道】開價$180 請保姆遭網民鬧爆 工作 3 個半鐘既要煮飯又要接小孩【下一頁

Source:Facebook

相關文章

Page 1 of 21