勤力外傭突指家中見到「一個人」 僱主被嚇親坦言「真係好驚」

| 徐慧兒 | 10-11-2020 17:59 | |
勤力外傭突指家中見到「一個人」  僱主被嚇親坦言「真係好驚」

不少東南亞國家人民都相信世間有「鬼神」的存在,甚至有人會自稱有「陰陽眼」。近日,有僱主在 Facebook 群組上分享,指家中外傭向自己透露,看到家中有一個不認識的「人」,但與其對望一會後,便慢慢消失。僱主聞言後當場被嚇到,更詢問群組內的網民「有冇人嘅工人姐姐都會成日講呢啲」?

  • 不少東南亞國家的人都傳指有「陰陽眼」
  • 有網民分享家中外傭突指數日前在家中與不認識的「人」對望後後慢慢消失
  • 樓主聞言後大驚,問網民「有冇人嘅工人姐姐都會成日講呢啲」

樓主指家中聘請的印尼姐姐日前突然與自己表示,數日前在家中看到一個不認識的人,樓主進一步詢問是怎樣的人時,外傭則指是「藍色嘅嘢」而且更是出現在樓主的房間內,「那個人」與外傭對視了一會後便慢慢消失。樓主表示突然被外傭告知房間內有疑似鬼怪的物體出現,坦言「真係好驚」。外傭更告知指印尼有很多這些東西,自己經常見到。樓主之後更補充指,外傭平日做事非常勤力,而且又疼錫小朋友。但樓主突然得知外傭疑似有「陰陽眼」,心情既害怕又忐忑,詢問一眾同樣有聘請外傭的網民「有冇人嘅工人姐姐都會成日講呢啲」?

帖文引來不少網民留言,不過大多網民已經「見怪不怪」地分享,「有,印尼人特別容易」、「有。我以前有 2 個印尼姐姐都有講過話係屋企見到」、「有講過呢啲話題,我叫佢以後唔好同我講呢啲嘢」、「我以前個印尼姐姐,屋企人係巫師,講既野仲得人驚,印尼好多呢啲. 最後決定唔同佢續約,好驚」。同時,有網民猜測這只是外傭「博炒」的套路,「係先嚇你,再扮驚..走人.住咗咁耐都冇,有都已經各一天地,互不侵犯啦,咪中計.」、「我姐姐同我咁講完無耐就辭左職啦」、「我之前個印尼工人話自己中降頭,一個月入幾次醫院,佢話暈,又嘔,訓係到唔郁,call 白車,之後炒左佢」。

同時有不少網民則安慰樓主,「世界咁大有鬼唔出奇,果啲野分分鐘住得仲耐過你,平常心,唔洗理佢」、「信則有!不信則無!」、「十個撞鬼既九個都係吹水,剩低一個就係有精神病,你諗你喇」、「家鬼、不會害人」。

勤力外傭突指家中見到「一個人」  僱主被嚇親坦言「真係好驚」
網民留言

【相關報道】外傭瞓後巷垃圾車等接學童放學  港媽怒斥:沒有更離譜只有更離譜【下一頁

【相關報道】僱主提醒外傭照顧少主時「專心啲」 即時黑面兼 WhatsApp 已讀不回【下一頁

Source:Facebook @ 外傭僱主必看新聞訊息

相關文章

Page 1 of 11