「浴室寶」集暖氣、乾衣、換氣 3 種功能於一身，確實係冬天必備。市面上大多的浴室寶分為移動式、窗口式和天花式 3 款。近日有網民在 Facebook 上傳相片，指一個窗口式浴室寶，被裝成嵌入天花式浴室寶，令樓主不禁在帖文中質疑「咁裝浴室寶，好似真係未見過」。
- 「浴室寶」集暖氣、乾衣、換氣三種功能於一身，受不少人歡迎
- 有網民上傳一張疑似窗口式浴室寶被裝成嵌入天花式浴室寶的照片，指「真係未見過」
- 除了浴室寶的安裝方式受質疑外，其手工亦被網民批評
樓主以「咁裝浴室寶，好似真係未見過」為題，上傳了一張浴室內的天花裝上浴室寶的照片。從相中可見，浴室寶的四邊假天花手工不算好，有大量使用白色玻璃膠粘著四周的痕跡，不算美觀。而有網民更留言表示，該款浴室寶疑為窗口式機身，但卻被安裝在天花上，直言「無得頂」！同時更有人嘲諷安裝師傅：「創意滿分」、「新手仔做，系咁上下啦」。不過，記者根據相片上的浴室寶款式，於該品牌的官網上翻查資料，查證該款浴室寶雖然主要攻窗口式安裝，但其說明書也清晰指出，可安裝在天花上，但就要額外配上出氣裝置的配件。
不過由於樓主只在題目上表示「未見過」這樣安裝浴室寶，所以有網民則猜測樓主的意思是指其手工差劣，而非指將窗口式機身誤裝成嵌入天花式，更附上其家中所裝的浴室寶指「很正常我家一樣裝法」。更有網民和應指「我都係，有問題嘅咩?」有網民更猜測樓主的意思，指「問題唔係裝上天花呢個動作，係修口手工既問題，你用部機遮住啲剪口當然靚，樓主講緊果部點收貨呀，咪玩啦」。
【相關報道】【有心機】師傳用藝術漆為屋主創特色牆 網民激讚：靚到似牆紙【下一頁】
【相關報道】師傅指「唔夠位」將冷氣散熱器打直裝 事主：裝到咁窗都開唔到【下一頁】
Source：Facebook @ 裝修佬