全港中小學校及幼稚園已於 9 月底全面恢復半日面授課程,但全日面授上課就仍未有時間表。有學校為了加強防疫,要求學生在小息時段只可飲水,不得進食其他食物,以保障學生健康。不過,這項規定卻惹來家長不滿,表示學生早起上學,途中一直不得進食,擔心體力是否能支撐半日所需。
- 全港中小學校及幼稚園已於 9 月底全面恢復半日面授課程
- 有學校加強防疫措施要求學生在小息時時不得進食,只可飲水
- 家長擔心學生體力是否能支撐半日所需
有家長在 Facebook 群組內以「係唔係教育局有新指引?」為題,張貼出學校最新的防疫措施,文中指為保障學生健康,所以自星期一的小息時間開始,只可以飲水或其他飲料,不得進食,亦不能隨意除下口罩,更指有關安排是按照疫情最新狀況而作出的相應修訂。文中最後有提醒家長,每天早上為子女準備一份豐富美味的早餐,使學生可有足夠的營養,提升自身抗疫能力。
不過新措施卻惹來不少家長不滿,家長認為其實飲水同樣需求脫下口罩,為何可以飲水但卻不能進食。「痴線㗎!小朋友食鬼到豐富早餐?有啲小朋友7點前已要上校車 要佢幾點起身? 5點呀 ?垃圾學校」、「其實放學時小朋友超肚餓」、「痴線...幼稚園返 3 個鐘都仲得,但小學生返8 至 13,5 個鐘唔比食嘢?!未計你住得遠」、「咪係囉,都未開胃口,個人又未醒!點食喎⋯⋯仲話要豐富?都黐黐地」。有家長要求學校提早放學,確保學生可以中午時間進食午餐,「首先,香港的小學應該要改為9點上堂,1點放學,完。」、「早啲放學,比學生早啲食午餐」。
不過,同樣有少量家長認為學校做法正確,更批評其他家長太過「怪獸」,「其實我覺得哩個做法好好喎,我細女 k3 學校都冇茶點時間啦。其實小息時間唔通可以食個飯食碗面咩?如果係食零食嘅咪又係唔飽肚,咁餓一陣唔會死嘅。」、「而家全部係返半晝, 唔俾食野都唔算係太離譜既」。
【相關報道】港府收緊措施 下周五起中國以外地區入境須於酒店檢疫【下一頁】
【相關報道】本港增源頭不明本地個案 陳肇始籲市民自律否則將收緊社交距離措施【下一頁】
Source:Facebook @ 不願小朋友成為功課奴隸