昨日(26 日),有網民在 Facebook 群組內上傳車 Cam 片段,片中為一段較窄的道路,待迎頭車輛駕過後,的士繼續向前駛。不過,此時卻突然衝出兩名兒童打算橫過馬路,幸好的士司機能夠及時剎車,才沒有釀成交通意外。
- 的士司機上傳車 Cam 片段,詢問網民誰對誰錯
- 迎頭車輛駛過後,突然衝出兩名兒童打算橫過馬路,情況危險
樓主以「請問誰對誰錯?」為題,上傳一段攝於萬宜水庫的車 Cam 片段。從片中可見,事發路段為一段較窄的雙程路,路邊有不少行人,而行人路亦非常窄,所以片中可見不少市民亦於車路上行走。而樓主駛至一個路口時,旁邊正好有迎頭的士駛出,待迎頭的士駛過後,有兩名小童手牽手衝出,打算橫過馬路。而站在小童身旁,疑是其母的女子則全程看著另一方向,似乎忘記除了有車輛駛出,亦會有車輛駛入。當時樓主被兩名小童危險的行為嚇至破口大罵,不過幸好亦能及時剎車,方能避免意外發生。
司機其後直指對方「你想死啊!喺兩架車中間衝出嚟」,認為對方應該看清楚路況才讓孩子橫過馬路。而片段亦引來大量網民留言,大多網民均認為家長「失職」,「呢的又抵鬧既」、「咁玩命法, 我覺得問候全家唔大問題喎,唔係個司機警覺性高, 已經埋左單喇」、「真係要鬧,唔鬧啲家長唔識醒架」、「家長唔好話話極唔聽,要自細教。」、「父母最大責任,逢有車往來的地方都不可给细路跑,大人也要拖實佢地不可放手,好彩無撞到,但呢一刻的士佬都唔好咁講嘢,見到無事只可話拖緊佢地啦,講完,關窗再小」、「識生唔識教,真係要話」。更有網民表揚司機「師傅反應超快」、「家長嘅錯」。但同時有網民就質疑司機車速太快,但有網民則反駁:「咁都快?司機一踩就停到喎」。
【相關報道】野豬誤闖九巴車長休息室 網民笑問:可以搭咩巴士返屋企?【下一頁】
【相關報道】目睹孩子班主任上學前公園吸煙 家長問網民:講唔講俾學校聽好?【下一頁】
Source:Facebook @ 的士司機資訊網 Taxi