孤寒新郎結婚想搵 Hi-bye Friend 著數? 免費借花車連司機

| 梁綺文 | 13-10-2020 14:05 | |
孤寒新郎結婚想搵 Hi-bye Friend 著數? 免費借花車連司機

結婚洗費大,但如果在一些細節過份孤寒,未免影響朋友之間感情,甚至影響對方對自己看法。早前有網民在討論區出帖抱怨,指有朋友結婚希望「免費借」到花車連司機,但就連油錢也不願出,讓他不禁質疑對方「好肉酸兼厚面皮」。

  • 網民分享,有孤寒新郎向他「免費借」花車連司機
  • 當他要求對方付油錢和司機日薪,對方即拒絕
  • 網民見到後都紛紛撐樓主,並留言嘲笑「真係肉酸啊」

【相關報道】汪阿姐表揚楊千嬅送美心月餅 網民嘲笑「太 cheap」【下一頁

網民以「啲人結婚問朋友借車仲要人哋做司機係乜_嘢心態」出帖,表示一位只有數面之緣的朋友,主動聯絡指即將結婚,所以想向他借車作結婚花車,並希望他幫忙接送。然而,對方講明要由凌晨 5 點開始接新娘做到夜晚 8 點,足足 14 小時,且要求「免費」。網民於是回應,指可以借車,但要計回油錢和司機日薪。惟對方聞言即拒絕說:「要錢咁唔使啦。」樓主無奈表示跟對方並不相熟,對方竟要他「倒貼做司機嘥錢嘥時間嘥精神」,不禁直斥對方「想唔使錢問人借車個吓真係好_肉酸厚面皮」、「冇錢就咪_學人結婚啦」。

而其他網民見到後都紛紛撐樓主,並留言嘲笑說:「真係肉酸啊」、「就算係好熟嘅朋友,正常都知起碼要俾油錢」、「要人貼錢幫自己搞婚禮個啲咪_學人結婚啦」、「日日有人結婚我都要做人免費司機,咁我咪好_唔得閒」、「冇車又要充大頭又要威」、「咁想要車咪自己買架囉」大家又覺得呢?

孤寒新郎結婚想搵 Hi-bye Friend 著數? 免費借花車連司機

【相關報道】僱主嫌外傭夏天長期家中開冷氣 網民:咁慳唔好請工人啦【下一頁】​​​​​​​

【相關報道】​​​​​​​旅行撞正「度縮」朋友點算好?網民:返香港同佢絕交【下一頁】​​​​​​​​​​​​​​

Source:Lihkg




 

相關文章

Page 1 of 11