【暗黑料理】家傭落「濃湯寶」煲老火湯? 網民建議急轉彎:即時打邊爐

| 徐慧兒 | 01-10-2020 18:02 | |

外傭的主要工作除了打掃屋企外,另一「重任」便是煮飯。不過由於不同地方有不同的飲食文化,導致不時有僱主投訴外傭烹調一些「暗黑料理」。近日,再有僱主在分享外傭資訊的 Facebook 群組內,上傳其家傭所煲的老火湯,更指「好似好好飲咁樣呢?」但其實只不過是以新鮮蔬菜加入味精而成的「味精湯」而已。

  • 由於飲食文化差異,不時有僱主會投訴外傭外傭烹調一些「黑暗料理」
  • 有僱主在 Facebook 群組上分享其外傭烹調看似不錯的老火湯
  • 但實情只是「味精湯」而已

該名僱主「嬲爆」表示外僱除了買了豬骨、紅蘿蔔、粟米、薯仔等正常食材外,另外更買了濃湯寶。之後更見一向少煲湯的外傭竟然主動煲湯,從樓主上傳的照片可見,湯中有紅蘿蔔、粟米和豬骨,就像廣東家庭常喝的紅蘿蔔栗米豬骨湯一樣。不過她細看之下,見到垃圾桶內有已用的濃湯寶包裝,再詢問外傭時,她則表示將「濃湯寶」加入湯中,更向僱主表示「平時都係咁食喎」。深感無奈的樓主表示平時只會在吃火鍋時加入濃湯寶作湯底,而平時奶奶所煲的老火湯是不會加這類「味精」。之後,樓主怒指外傭浪費新鮮食材之餘,家中的小朋友也不能飲用。

帖文隨即引來不少僱主們留言,有人則好心建議「即時轉軚打邊爐!」、「姐姐無心 放過姐姐」、「佢應該覺得加左濃湯寶會好飲啲,再同佢慢慢溝通下,俾啲時間」。同時更有不少僱主分享自己的「慘痛經歷」,「早幾日姐姐用美極同我蒸魚,明明屋企有蒸魚豉油同蒸過好多次魚」、「我姐姐試過用濃湯寶煮椰菜粉絲」、「我姐姐試過落豉油加色,同埋落糖令啲湯甜啲」。此外,不少「過來人」均指其實「好小事」,籲樓主無謂動氣,但樓主則表示,「俾一個老火湯嘅價錢但係我啲BB係唔飲得嘅咁煮黎做咩呢?」

【相關報道】綠豆沙當成加熱湯包煮?外傭炮製「綠色水」令僱主哭笑不得【下一頁

【相關報道】迫工人姐姐煮食前用酒精搓手液消毒  累外傭雙手著火燒傷【下一頁

Source:Facebook @ 外傭僱主必看新聞訊息

相關文章

Page 1 of 21