近日有財經消息談及先達舖租、舖價大跌一半，ezone.hk 記者近日走訪先達，亦找來先達數碼匯店主阿勇，讓大家重新認識炒 iPhone 熱潮過去後的先達現況。
- 先達場內現況
- 租金舖價下跌
- 多元化吸人流
HK$4,000 做店主
數碼匯店主阿勇，有「先達小炒王」之稱，曾在 iPhone 6、6s 年代，每日預備數百萬現金收機，經歷日賺 6 位數字嘅黃金年代。阿勇坦言，隨著 iPhone 熱潮退卻，加上疫情影響，先達人流大減，「吉舖」近月略為增加，主要集中在 2 樓。
自 iPhone 6s 後無得炒嘅年代，先達舖價、舖租已經不斷減，亦曾出現 $3,000 舖租嘅歷史低位，但近年略有回升。對比疫情前，現時舖價大約減 15%、舖租大約減 25%，不過，阿勇話而家 2 樓舖位一般都要 $4,000 起跳，未返去歷史低位。
不再期望炒手機
雖說 iPhone 無得炒，但其實先達亦有繼續收機，並延伸至 Samsung、小米等手機。阿勇坦言對 iPhone 12 無期望，雖然好多新機都真係會炒高，尤其係旗艦機，但就算 iPhone 都可能只係炒頭幾日。而疫情亦令許多來自中國內地、東南亞嘅買手無法來港，料生意唔會多。
先前開賣嘅 PS5 或會掀起炒風，但阿勇就話應會帶旺信和、好景，相信先達未能受惠。阿勇直言，先達以往太單一化，須更多元化的店舖吸客。
須向多元化發展
目前會行先達，主要係維修手機、放機嘅客人為主。阿勇又指：「先達亦有新店進駐，例如：賣名酒、名錶、限量版波鞋等，希望藉此增加客源，始終先達位於交通樞紐，有一定優勢。」
【其他報道】
【其他報道】
Source：ezone.hk