DSE 考生預約的士要求「準時到」 司機上網鬧「以為吩咐私人司機」

| | 27-04-2020 16:53 | |
DSE 考生預約的士要求「準時到」 司機上網鬧「以為吩咐私人司機」

應屆 DSE 考生因為疫情關係,要延期應考,所受壓力,不難想像。有 DSE 考生日前預約的士,打算從紅磡家維邨到九龍仔一家學校應考,預約時要求的士司機「準時到」,但最終竟被的士司機放上網「公審」。

  • DSE 考生預約的士要求司「準時到」
  • 卻被司機截圖放上網公審
  • 有網民認為的士司機態度有問題

從截圖可見,該 DSE 考生預約的士內容為「預約:4 月 25 日上午 7 時 10 分 考 dse 準時到」,其後相信是的士司機的網民,把截圖放上某個 Facebook 的士司機資訊群組,並寫上「唔知仲以為吩咐私人司機去接佢(呢句說話完全無攻擊成份,都有咁多人無理取鬧)。事後,有網民將事件放上連登討論區,以「DSE 考生悲歌:其實 DC9 係咪應該要人道毀滅」為題討論,樓主問:「想準時都有錯?」

討論區上的網民,意見似乎一面倒認為的士司機有問題,有網民一針見血直言「所以咪要 Uber lor」,其他留言包括:「Dc9覺得 個客命令佢準時 唔尊重」、「叫你準時到都唔得」、「的士佬覺得應該佢話事 幾點到,兜幾遠路都係佢決意」、「原來準時到係無理取鬧」。

另有網民,就嘗試從的士司機角度出發:「我諗個學生嘅意思係想講佢想準時到考場,的士佬 get 成係個學生命令式叫的士佬準時到樓下接佢?」、「準時就當然,但應該係的士佬 get 錯學生個語氣,覺得係態度問題。」

DSE 考生預約的士要求「準時到」 司機上網鬧「以為吩咐私人司機」
司機將預約截圖放上網。

【其他報道】

【其他報道】

Source:連登討論區

相關文章

Page 1 of 11