香港電腦通訊節 2019 正式開幕，相信各位最關心的，必然是香港電腦通訊節 2019 內有那些「筍」貨，ezone.hk 今年特別找來女小編 Winky 及 Tiffany 直擊香港電腦通訊節 2019，並搜羅 10 件疑似「筍」貨產品，再由 ezone.hk 專業編輯部作品評，看看係咪真係抵！（留意：電腦節價格隨時變動，以下價格為星期五開幕日的下午報價）
- 香港電腦通訊節 2019
- 展覽日期：2019 年 8 月 23 日至 8 月 26 日
- 展覽地點：香港會議展覽中心一號展覽廳
疑似「筍貨」06：TP-Link Archer AX50 無線路由器 $1,099 (Booth H31-H34)
女版主心心眼貨品： 話支援最新 Wi-Fi 6 標準，仲送 $100 超市禮券，但我部 iPhone XS 用唔用到？
ezone.hk FactCheck 抵唔抵玩：TP-Link Archer AX50 支援 Wi-Fi 6 標準，屬 AX3000 規格，可向後兼容 IEEE802.11a/b/g/n/ac，故 iPhone XS 當可用啦，並可配合新一代 Wi-Fi 6 客端像 Samsung Galaxy S10、Note 10、Intel Wi-Fi 6 AX200/201 網絡卡以 1.2Gbps、2.4Gbps 連接。TP-Link Archer AX50 上週才正式開賣，原本定價 $1,499，已是最平價的 Wi-Fi 6 無線路由器，而家劈到 $1,099 再送 $100 超市禮券，變相只售 $999，更加抵買。
【精選消息】
【精選消息】
-----------
疑似「筍貨」07：Linksys MR8300 無線路由器 $1,150 (Booth Q21)
女版主心心眼貨品： 買 Router 送旅行箱，真係第一次見，仲話支援三頻行到 Mesh Wi-Fi！
ezone.hk FactCheck 抵唔抵玩：Linksys MR8300 屬 AC2200 三頻無線路由器，另支援 Mesh 技術，可與同廠的 Velop 系列建立 Mesh Wi-Fi 網絡，以提升無線網絡覆蓋，原價 HK$1,199，而家減價至 $1,150，同樣送 20 吋旅行箱，減幅未算十分高，但 ezone.hk 發現廠商提供套裝優惠，像 MR8300 加 1 個 Velop Dual Band，只需 HK$1,599，而配 1 個 Velop Tri Band 則為 $2,099，較分開買平不少。
------------
疑似「筍貨」08：ADATA HV320 1TB 外置硬碟 $335 (N34)
女版主心心眼貨品：個樣唔錯、都幾薄，仲話有震動感知，但抵唔抵呢？
ezone.hk FactCheck 抵唔抵玩：ADATA HV320 1TB 只大賣點是擁有震動感知技術，當硬碟資料傳輸時出現巨大震動，會閃爍紅色警示燈提醒停止擾動，有效降低震動時對硬碟所造成的潛在傷害，而其厚度只 0.4 吋。價錢方面，會場價比腦場平約 HK$20，如果行開買，都算 ok。
------------
疑似「筍貨」09：SanDisk Ultra microSDXC 64GB $70 (Booth F15)
女版主心心眼貨品： 想買張用落電話度，唔知抵唔抵呢？話去到 100MB/s
ezone.hk FactCheck 抵唔抵玩：SanDisk Ultra microSDXC 64GB 主要針對動裝置使用，用於智能電話，當然無問題，但要留意100MB/s 只是讀取速度，廠商未標示寫入速度。價錢方面，SanDisk Ultra microSDXC 64GB 腦場約售 $65，比會場更平。
---------
疑似「筍貨」10：HP ENVY 5020 多合一打印機 $459 (Booth F11)
女版主心心眼貨品：$459 有部多合一打印機，仲支援 Wi-Fi 打印，送埋 $200 超市禮券
ezone.hk FactCheck 抵唔抵玩：HP ENVY 5020 集打印、掃描與複印功能於一身，更支援 Wi-Fi 連接，HK$459 再送 HK$200 超市禮券，的確吸引。不過，各位要留意打印成本，此機的原裝墨盒成本一套超過 HK$200，與機價相近。值得一提，腦場也有相同送 HK$200 超市禮券優惠，而賣價也與會場相近。
【相關消息】
【相關消息】
Source：ezone.hk