陳奕迅 12 月開紅館演唱會 網民跪求 Eason 實名制售票

| Kay | 12-08-2019 12:55 | |

Eason 陳奕迅宣布 12 月開紅館演唱會!早前 Eason 在 Facebook 出了一個「6 年無見 12 月紅館見」的 post,並貼出一張標註 Eason Chan In Concert Fear and Dreams 的圖片,意味陳奕迅 12 月紅館演唱會是千真萬確,教一眾歌迷驚喜萬分!

【相關報道】容祖兒開演唱會遭鐳射瘋狂「攻擊」?網民笑:變熔祖兒

【相關報道】黃牛網公然落 FB 廣告炒賣鄭秀文演唱會飛!方保僑嘆:FB 難把關要靠政府業界

雖然 Eason 這個 FB post 沒提及 12 月紅館演唱會的確實日期,跨年演唱會的傳聞仍為流傳,但消息一出已足以讓 fans 期待萬分!不過不少 fans 留言跪求 Eason 這次可用實名制售票,因為「冇實名制,一定買唔到飛」,「否則 6 年又 6 年都見不到你」、「留返俾我哋呢啲真心支持你嘅人」、「對上一次成功地用非炒價買你演唱會飛已經係 2006 年啦!」。此外有網民表示:「知你開演唱會,但心情好矛盾,一係買唔到飛,一係捱炒飛......」、「好想睇,但係唔想買黃牛,可以點?」希望 Eason 有方法可以杜絕黃牛票湧現市場,讓真.fans 能夠買票捧場,更指不介意「一開波 set 高啲價」。

精選網民留言:

  • 近年都係保險公司贊助演唱會,極大多數門票都扣起來送俾自己客戶,就算真正歌迷買到飛,周圍坐着啲唔識欣賞唔識尊重唔識廣東歌的人,佢哋用鄉音傾計的音量仲大聲過台上表演,真係返歸聽 CD 好過,不過仍期待阿臣的演出!
  • 可唔可以唔好俾啲黃牛炒到貴哂,留返俾我哋呢啲真心支持你嘅人
  • 何止 6 年無見!上次已買不到飛喇!可以用實名購票嗎?否則 6 年又 6 年都見不到你
  • 實名制 pls…… HKID 人人可 draw 飛
  • 知你開演唱會,但心情好矛盾,一係買唔到飛,一係捱炒飛......
  • 對上一次成功地用非炒價買你演唱會飛已經係 2006 年啦!之後都係買唔到,實名制啦!
  • 好想睇,但係唔想買黃牛,可以點?
  • 冇實名制,一定買唔到飛。其實我寧願你一開波 set 高啲價。
  • 呢一刻的香港好需要你把聲去療癒一下! 快啲啦......!
  • 這一代的香港人陪着你成長,希望 Eason 都可以用歌聲陪着大家繼續奮鬥

早前 Eason FB 出了一個「6 年無見 12 月紅館見」的 post,並貼出一張標註 Eason Chan In Concert Fear and Dreams 的圖片,意味陳奕迅 12 月紅館演唱會是千真萬確!

不少 fans 留言跪求 Eason 這次可用實名制售票,因為「冇實名制,一定買唔到飛」。

【相關報道】政府終肯出招倡「實名制」購演唱會票!減内部認購打擊「黃牛」

【相關報道】「罪犯剋星」張學友再「發功」!航拍偷錄演唱會警拘十多人

Source: 陳奕迅 Eason Chan Facebook

相關文章

Page 1 of 11