不論做任何事情也好，如果發現當中不似預期的話，總會感到失望。最近有絲打出 post 提到自己的拍拖 1 周年慶祝活動不似預期，明明跟男友提及「周年就想特別啲，想吃魚生飯及西瓜蛋糕」，可是男友最後帶了絲打看《蜘蛛俠：決戰千里》及吃車仔麵，使絲打需要「全程扮開心」，並直斥男友「唔重視我，只係諗自己」。
【相關報道】
【相關報道】
其後絲打有提及自己及男友個人背景，以及事件更多資料，包括絲打芳齡 27，男友大自己 1 年，是成熟上進，工作至上型人士。另外她也有提及男友同意了自己「周年就想特別啲，想吃魚生飯及西瓜蛋糕」的提議，可是經過 1 周年慶祝活動不似預期一事，就坦言「一年嚟都忍咗幾次，我都唔知捱唔捱到落去」。
絲打出這個 post 的原因為何，似乎難於查證。雖有已婚巴打安慰「鍾意同重視一個人唔會係咁，飛咗佢」，但可以肯定的是，不少網民留言是反罵樓主「港女性格亦唔好得去邊」、「咁 on X 淨係注重啲形式上嘅嘢」、「年紀都唔細，但諗嘢都仲係細咗 10 年」、「現實係無可能又上進又浪漫又專一」，更稱「感覺上如果搵男主角嚟講會另一版本」。
另有網民認為以上事件反映絲打及男友溝通不足，更強調要維繫一段感情不外乎「溝通溝通同溝通」，「你覺得有邊方面出問題最好唔好忍，唔係叫你搵交嗌，係要畀佢知道你諗法，如果唔係積積埋埋好大鑊。有唔少情侶去到結婚先炒車，就係因為平時唔肯同另一半坦誠，到要結婚嘞，知唔對路，一次爆晒出黎，咪玩完囉」。
網民有 Say：
- 鍾意同重視一個人唔會係咁，飛咗佢。利申男，結咗婚
- 見到呢啲女仔就驚了
- 你有想做嘅嘢點解唔自己安排？
- 仲有依啲唔係男朋友一個人嘅責任，唔好覺得 1 周年慶祝就要男朋友搞晒，你估睇戲啊而家？男朋友無問你想點，佢固然有問題，但樓主啲港女性格亦唔好得去邊
- 同我男朋友一樣，頭兩年就係不斷忍同表達自己，見佢有好慢好慢咁改。而家一齊 4 年，大家都一齊進步緊。最緊要溝通溝通同溝通
- 睇咗咁耐我諗你都心目中有答案，唔適合嘅就唔好等任何一方去改，通常都唔會俾你等到。早少少俾啲勇氣去講出自己嘅諗法做個決定，相信都對大家好
- 唔好用咩有邊個女仔唔想乜乜乜啦，唔係個個好似你咁 on X 淨係注重啲形式上嘅嘢，我同我老公第一年都係去返第一次食飯嗰間譚仔，今年直頭冇慶祝，佢平時點對我先係重點
- 老實講你年紀唔細，又鍾意浪漫唔實際，又口不對心，又咁 um chum，又淨係識自己角度去睇嘢，唔知你條件如何，自己睇路啦
- 樓主年紀都唔細，但諗嘢都仲係細咗 10 年咁，睇佢講嘅嘢感覺上如果搵男主角嚟講會另一版本
- 現實係無可能又上進又浪漫又專一，食得鹹魚就要抵得渴，雖然食車仔面又自己改行程真係幫唔落嘅又
【相關報道】
【相關報道】
Source: lihkg