天文台最新天氣消息有提,宣布今日(7 月 31 日)下午 2 時正或以前發出 8 號熱帶氣旋警告信號,本港風勢將會加強,並預料高達時速 110km 或以上的陣風繼續吹襲香港。將掛 8 號風球消息,旋即成為網民熱話,事關有網友認為,以天文台喜歡下班後或星期日才掛 8 號風球的「往績」來看,「平日掛 8 號」可謂百年難得一遇的奇景!
【相關報道】
【相關報道】
除有網友認為天文台將在今日(7 月 31 日)下午 2 時前改掛 8 號風球,是「百年難得一遇平日掛 8 號」的情景外,也有網友懷疑天文台這個決定是否正確,「咁嘅垃圾風都掛 8 號」、「係咪啲商家佬琴晚睇直播攪到唔夠瞓,要放半 day 啊」、「今次就咁 X 順攤,平時到差唔多 9 號威力先掛個 8 號,個風而家仲咁弱雞,又吹得唔太正,我就唔信你掛得咁 X 順攤係冇陰謀呀」、「個風好似嚟得好突然。琴日前日都無乜消息」。
之不過,既然天文台已預告今日(7 月 31 日)下午 2 時前改掛 8 號風球,那麼消息就是千真萬確,絕不暫緩及撤回。各位請務必時刻留意最新天氣消息及做好防風、防雨準備吧。只因天文台也有提,「在過去 1 小時,大老山、橫瀾島及長洲泳灘分別錄得的最高持續風速為每小時 73、69 及 61km,最高陣風分別為每小時 105、83 及 77km。與韋帕相關的雨帶會為本港帶來大驟雨及狂風,海面亦會有大浪及湧浪,市民應該遠離岸邊及低窪地區,並停止所有水上活動。」
精選網民留言:
- 依啲時勢先嚟搞單百年難得一遇嘅星期一至五掛 8 號,咁就想平息民怨?
- 個個心諗平時邊有咁易 8 號
- 係咪啲商家佬琴晚睇直播攪到唔夠瞓,要放半 day 啊
- 今次就咁 X 順攤,平時到差唔多 9 號威力先掛個 8 號,個風而家仲咁弱雞,又吹得唔太正,我就唔信你掛得咁 X 順攤係冇陰謀呀
- 個風好似嚟得好突然。琴日前日都無乜消息
- 天文台轉死性呀,未收市掛 8 號
- 第一次打風都冇心情助慶
- 天文台支持罷工
- 終於可以返少幾粒鐘
- 我覺得係連天文台都玩政府
【相關報道】
【相關報道】