香港是我家，你對香港的印象又是如何？網民 eleven123 日前在網上討論區 baby-kingdom 發帖，題為「歡迎大家分享 n 年前的香港印象」，與網民促膝詳談話當年；樓主冀望「讓沒有經歷過那些年的人感受下」。
金融危機 充滿希望
樓主首先表態，他回憶 10 年前：「那時候的西環還沒有通地鐵，還有一些小本經營的地道美食；那時候雖然剛剛經歷 08 金融危機，但依然充滿希望。」
帖子吸引不少網民熱烈討論，大讚「想當年，特別好」，恍惚回憶總是美好，往事只能回味。以下節錄網民對 N 年前的香港印象，你都有共鳴嗎？
信和 4 仔冇格仔
- 守望相助
- 雜貨鋪會有 d 一個個好大個既玻璃樽裝住既缾干，想買幾多就磅比你。
- 最鍾意跟媽媽去街市買餸，佢會留我係豆腐鋪，買一碗豆腐花比我，我就坐係街市對出既櫈仔，同其他細路仔一樣，食住豆腐花等媽媽返黎接我地。
- 七層高徙置區光景，深印腦海
- 想當年，好多手作仔攞返屋企做，唔驚冇暑期工
- 想當年信和附近成日都聽到 4 仔冇格仔
- 八十年代，銅鑼灣仲屬於香港人，幾歲時家人每個星期日都會帶我地去維園踩 roller , 係草地野餐。長大一點讀小學時就逛百貨公司，仲記得大丸條長樓梯同對面既林贊記。
- 夜晚黑睇歡樂今宵，有時會有歌星扮演，盧海鵬最勁，由扮羅文到達明，扮邊個似邊個，啲歌詞勁爆笑。
- 尖沙咀天星碼頭 5 支旗杆下，是等人勝地
公屋治安 越來越差
回憶對香港的印象，有愉快，也有悲情：
- 沙士時，經濟好差，日日新聞就係死亡。
- 公屋走廊 d 細路，由街頭跑到街尾，追追逐逐嘈到拆天都冇人投訴。
- 同學住西環，約銅鑼灣見，我等咗佢四十五公鐘。因為佢坐紅 van，司機等客滿先開車。
- 80 年代政府職員大部分都黑臉同無禮貌。
- 以前公屋全部無保安、大閘。cctv 都只係 90 年代尾先陸續裝上。公屋治安 70 年代至 80 年代都 ok,仲會打開門瞓覺（鎖鐵閘，90 年代開始唔多好，太多人上嚟推銷、傳教、追數
沒有大媽
有網民回憶 1995 年，當時經濟蓬勃，英國殖民地，未到金融風暴，一切都是美好：「揾教席非常容易，大部分是有興趣教書的人才入職做老師，小學仍是半日制，返 7:30 放 12:30！小學生不用補習，生活輕鬆愉快。如果住公屋，鄰居守望相助，打開鐵閘大門也不用怕小偷入屋！閒日出街人少不用等位，沒有餐廳會限個半小時用饍！那時沒有自由行，沒有大媽四處跳舞，見外國遊客多，香港人也有禮得多。」
【精選消息】
【精選消息】
Source：baby-kingdom