香港藝人任達華 7 月 20 日今早在中國中山出席活動遇襲腹部受刀傷，隨即被送到中山開發區醫院，兇徒當場被制服。64 歲影帝任達華遇刺雖然沒有傷及內臟，但需要進行微創手術清除小氣泡確保安全。據了解，任達華的手術已經順利完成，右手四隻手指被割傷亦已處理，目前情況穩定，仍在醫院留醫。
任達華遇襲後，相關消息馬上在中國的網絡瘋傳，包括他在 WeChat 微信發錄音短訊求助、他被送往醫院的過程及照片、甚至醫院病歷紀錄，都可在網上找到！任華達形容行兇者為「發神經朋友」，相當厚道。
從短片可見，任達華遇襲後相當鎮定；有網民同樣冷靜地分析：「啪番啲卡士蘭就冇事」，所言非虛。網上流傳一張任達華檢查後的醫療檢查報告，表示情況不是危急，診斷內容如下：「左側腹直肌局部見小氣泡，其前方脂肪密度增高，肝頂部見小氣泡。肝臟大小、形狀及各樣比例未見異常，包膜光滑，肝實質密度均勻，未見明顯結節……膽囊不大，輪廓光滑，囊壁未見增厚，囊內容物密度均勻。」
肝實質密度均勻，難道不是卡士蘭的功效？
任達華遇襲後的醫院病歷隨即在網上瘋傳，可見中國的私隱受尊重程度。網民紛紛留言嘲諷：
- 講個笑話，大陸有私隱
- 大陸醫院真係完全冇道德可言
- 之前周柏豪喺中國住酒店，都俾職員影低咗回鄉證放上網啦
- 痴線，影病人醫療紀錄 ……
- 如果某明星喺大陸，佢下面塞高爾夫球應該全世界睇到晒
- 係囉！快啲引入多啲內地醫生護士啦！醫護人手不足呀
- 講佢肝臟個段，笑咗，卡士蘭真有用
- 包膜光滑喎，好似好生猛健康，卡士蘭好勁
- x街！樓下啲卡士蘭被人掃哂（文字經過處理）
- 個報告係咁講個肝係咪特登架
- 卡士蘭廣告嚟，大家唔好中伏
- 個報告係咁講個肝係咪特登架
【精選消息】
【精選消息】
【精選消息】
Source：綜合網絡消息