拖鞋鄉音姐大戰第一城鎖車隊!網民:鎖埋女人把口吧

| shiuhk | 15-07-2019 18:26 | |
拖鞋鄉音姐大戰第一城鎖車隊!網民:鎖埋女人把口吧

第一城鎖車隊又名「F1 鎖車隊」,無論車主手腳多快,只要車上沒有人就會立即出動鎖車。近日,一名説話帶鄉音的拖鞋姐就一人對上第一城鎖車隊,軟硬兼施希望對方能就地解鎖,讓一眾網民開心食花生。

【相關報道】

【相關報道】

有網民在 Facebook 群組「馬路的事討論區」出片,從片中可見一名穿著粉紅色連身長裙、踩著拖鞋的女子,一邊夾著順豐快遞包裹,一邊用雙手拉扯著穿著反光衣的鎖車隊大叔。女子嬲爆說:「一分鐘拎順豐嘅嘢,又唔係第一次攞,通融一下㗎嘛!」雖然鎖車隊員工說要去保安部解決,但女子就要求即場開鎖,不斷大叫:「蝦人㗎咋,無理由咁㗎。」女子說,自己快遞後已經站到愛車旁,但鎖車隊依然當她面鎖車,大喊:「係咪唔啱?」由於女子不斷拉扯,大叔上衣差點被扯爛。女子就表明可賠償,並交鎖車隊報警,及後激動地大叫:「我企係道你哋都鎖就係蝦人!就係蝦人!」可惜片段拍到這裏就結束了。

拖鞋鄉音姐大戰第一城鎖車隊!網民:鎖埋女人把口吧
拖鞋鄉音姐大戰第一城鎖車隊,網民不禁瘋狂食花生。

不少網民笑著留言:「竟然夠薑挑戰第一城鎖車隊?有料」、「似老婆追家用」、「人哋搵銀,1 分鐘拖埋舊鐵過嚟鎖到你就抵你死啦」、「鎖埋果女人把口吧」、「快啲比幾百蚊打開阿姐個心鎖啦」、「當買兩個教訓囉,一個係一分鐘就鎖車,另一個係原來送秋波係冇用」、「仲以為係勞資糾紛」、「明知個度出晒名,仲駁」、「 唔知以為,老婆揾老公比家用」亦有人指出:「阿姐著拖鞋揸車喎」、「阿伯真係慘比個大媽抽哂水」、「非法禁錮」、「非禮摸一吓同摸十吓都係告同一條罪㗎啦」、「第一城版屯公大媽」不知道結局是如何呢?

【熱門報道】

【熱門報道】

Source:馬路的事討論區 @ Facebook

相關文章

Page 1 of 11