相信大家都知道乘搭任何交通工具（除了港鐵外），上下車前都要先示意讓司機知道。不過，近日一名網民卻在 Facebook 群組上發帖大罵巴士司機在自己候車的巴士站「飛站」，導致自己不能上車，更反問：「係咪冇人落車就唔洗埋站？」，結果被一眾網民反斥「你唔遞手，邊個知你要上車！」
【相關報導】
樓主稱自己當時在屯門翠寧花園巴士站等候九巴 961 號線巴士，當時連同自己共有 4 名乘客在站內候車，但當時駕駛巴士的女司機「飛站」，樓主更怒指該路線巴士已不是第一次「飛站」，令氣憤的他不禁致電交通投訴組進行投訴。帖文一出後，不少網民質疑樓主有否遞手示意上車：「冇人落車冇人截車點解要埋站」、「比幾蚊就以為自己搭頭等艙呀？」、「您有冇遞手示意要搭車？」、「只有鐵路系統，冇人落車冇人搭車先會站站停」、「搭車要遞手是常識吧！」，之後樓主補充自己當時絕對有遞手示意，但仍被無視。
由於批評樓主的網民太多，導致樓主直接在原帖上加上「#已遞手」的字句，不過網民們仍不受落，繼續批評樓主遞手的方法：「遞手？都要揮動成隻手臂兩三次，確保車長睇得到你！」、「我唔信 4 個人一齊遞手佢都飛站」、「遞手，有冇預早遞手先，係咪掛住噤電話冇留意巴士嚟緊？巴士就到站你先嚟遞手，巴士一定停唔到畀你」、「有冇片睇吓你點揮手法同佢點飛先？」，之後樓主見太多人在自己帖文下方留言，便再次留言指「請各位大哥原諒小弟無知」，望網民不要再評擊自己的言論。
【相關報導】
【相關報導】
Source：巴士的事討論區