巴打懷疑 iPhone「可用 5 年定律」仍否存在? 網民:屋企有部備用 iPhone 4 仲用到

| Kay | 11-07-2019 13:56 | |

上月初數據研究機構 Statista 一項調查有提,從 iPhone 4S 開始,一部 iPhone 最少可支援 5 代 iOS 作業系統,如以每年推出一個 iOS 作業系統來計,意味一部 iPhone 如硬件無問題的話,理應可以使用 5 年或以上,而其實坊間 iPhone 用家都認同「iPhone 可用 5 年」定律,多數人士有感 iPhone 是比 Android 手機耐用。之不過,有巴打似乎質疑「iPhone 可用 5 年」的定律,並出 post 表示:「部 iPhone 7 Plus 成日按完唔着 mon,跟住而家用咗差唔多兩年,成日都 lag,電又倒水」,更求問網民「換過部新好,定攞去整好」?

【相關報道】iPhone XI 主機板提前曝光!電池更大‧設計大改!

【相關報道】Apple 5G 版 iPhone 下年面世?JP Morgan 預計蘋果將推四型號

一眾網友看完巴打這個 post 後,多數認為巴打出現的問題是「用家問題」,而非 iPhone 7 Plus 的問題,更分享自己使用的 iPhone 型號更舊,但仍為開心使用中。「6s、iOS12,係電唔夠同影相唔得,其他都無咩問題」、「用緊 iP6,上年壞咗 Wi-Fi 整咗 $200,用咗 4 年仲好順」、「我部 5s 阿媽仲用緊,話順過佢自己新買嘅三星」、「我部 iPhone 5 仲用到冇事」、「屋企有部 iPhone 4 備用,平時攞手機去維修時就拎出嚟用幾粒鐘,仲用到喎」。另有網友提到:「我部 6s plus 由出嗰日用到呢一刻,由 iOS 年年升都一樣順到 X 街,係上年換咗粒電」,而他更預計「起碼用到 2020 年底」。

有網民認為「平心而論,如果每年都 update 最新 iOS,iPhone 用 2、3 年後發熱多咗,開 app 無咁快,少少倒水係真」,因此有感巴打 iPhone 7 Plus 出現「成日都 lag,電又倒水」等問題,實屬正常,此外亦有網民建議巴打「清返 10GB、20GB 出嚟,再洗機重裝」、「rom 要留 10 至 15GB 空間,塞滿會拖慢部機」,試試能否解決現時手機出現的問題。

精選網民留言:

  • 我用 7 都好順喎
  • 我買咗 Apple Care,用咗兩年,臨過保養拎去換,而家又用多差唔多 1 年,用多 1 至 2 年應該無問題
  • 建議 rom 要留 10 至 15GB 空間,塞滿會拖慢部機
  • 一樣,都係 6s、iOS12,係電唔夠同影相唔得,其他都無咩問題
  • 用家問題,我部 iPhone 5 仲用到冇事。
  • 仲用緊 5s,今年會換新 iPhone
  • 我用緊 iP6,上年壞咗 Wi-Fi 整咗 $200,用咗 4 年仲好順
  • 屋企有部 iPhone 4 備用,平時攞手機去維修時就拎出嚟用幾粒鐘,仲用到喎
  • 清返 10GB 20GB 出嚟,再洗機重裝啦。我 iPhone 6 用咗 4 年,仲好正常
  • 平心而論,如果每年都 update 最新 iOS,iPhone 用 2、3 年後發熱多咗,開 app 無咁快,少少倒水係真

有巴打似乎質疑「iPhone 可用 5 年」的定律,並出 post 表示:「部 iPhone 7 Plus 成日按完唔着 mon,跟住而家用咗差唔多兩年,成日都 lag,電又倒水」,更求問網民「換過部新好,定攞去整好」?

一眾網友看完巴打這個 post 後,多數認為巴打出現的問題是「用家問題」,而非 iPhone 7 Plus 的問題。

有網友更表示:「屋企有部備用 iPhone 4 仲用到」。

上月初數據研究機構 Statista 一項調查有提,從 iPhone 4S 開始,一部 iPhone 最少可支援 5 代 iOS 作業系統,如以每年推出 1 個 iOS 作業系統來計,意味一部 iPhone 如硬件問題的話,理應可以使用 5 年或以上。

【相關報道】果粉熱談「iPhone 6s 是否 Apple 最輝煌時代?」網民:iPhone 4 轉 iPhone 5 嗰年先係經典

【相關報道】檢查舊 iPhone 是否被限速!簡單 3 步即知!

Source: lihkg, statista

相關文章

Page 1 of 21