今日（7 月 10 日）2019 DSE 中學文憑試放榜，合共有 12 名狀元誕生。每年有 DSE 狀元誕生，他們例必會接受各大傳媒訪問，分享應試感受及未來升學路向，但當然，近日「反送中」事件成為全城關注的焦點，因此各狀元也有被問及對事件的看法，又或者早前有否參與反修例遊行等問題。其中兩位就讀拔萃女書院的 DSE 狀元：蔡欣平及施雲芳，在受訪期間雖提到自己沒有參與遊行，但分別表示：「欣賞香港人的熱誠，希望不要使用暴力」、「自己有觀看一些警方執法的片段，認為部分警員比較暴力，但不應以偏概全」，以及「特首林鄭月娥在沒足夠諮詢下推行修例，是有點過急，但對方已經表明修例方案壽終正寢，希望香港人放心，政府推行政策前應先多作諮詢」。
【相關報道】
【相關報道】
兩位女拔萃狀元的「反送中」言論，隨即引起網友熱論。有網民諷刺她們「名校仔係離地少少，阿爸阿媽唔想佢哋無前途，唔會畀佢犠牲自己嘅前途。我呢啲以前 asso 仔就無咩所謂，又唔係自細充滿前途」、「前後包抄實無死，好兩個投機主義者」，以及有感「讀得書，但都係要利益，要自保，所以要奶（共）」、「呢個講法都幾食兩家茶禮」，有別其餘幾位喇沙及聖馬可 DSE 狀元會貼地明言自己有參與遊行、反修例聯署，以及認為政府現時應放下身段，與年輕人溝通。
之不過，有網友認為兩位女拔萃狀元的「反送中」言論，或許只是為勢所迫，有心底話都不能明言，以免日後被秋後算帳。「有都可能唔講啦，陣間又畀人鬧港獨黃絲廢青」、「畀你試吓開晒全名知你邊間學校再加十幾支 cam 影住你，你都唔夠膽講去過遊行啦」。
精選網民留言：
有感狀元言論「牆頭草」
- 讀得書，但都係要利益，要自保，所以要奶
- 名校仔係離地少少，阿爸阿媽唔想佢哋無前途，唔會畀佢犠牲自己嘅前途。我呢啲以前 asso 仔就無咩所謂，又唔係自細充滿前途
- 前後包抄實無死，好兩個投機主義者
- 呢個講法都幾食兩家茶禮
- 我都覺兩條友鬼鬼哋，大個咗如果入政府真係不得了
覺得心底話不能明言
- 有都可能唔講啦，陣間又畀人鬧港獨黃絲廢青
- 一定有晒壓力唔俾點點點講㗎啦，做番和理非最鐘意聽嘅和理非對答俾佢哋睇囉，我覺得起碼冇撐政府撐黑警已經好難得
- 其實我覺得佢有去嘅，只不過係鏡頭前無謂多講，一陣班死黑犬又算帳，狀元緊係保障返自己啦
- 畀你試吓開晒全名知你邊間學校再加十幾支 cam 影住你，你都唔夠膽講去過遊行啦
- 宜家時勢可能有去都唔會講，廢事畀人查埋之後有冇發過夢
【相關報道】
【相關報道】