最近「反送中」事件確讓不少政治冷感的港人關心事態發展，或許不少人都會在家跟父母談論這個話題。如果大家政見相近的話，閒談兩句固然沒有問題，但如果好像這位巴打出 post 提到跟父母政意不合，「嘈左幾獲死叫我有料搬出去住」的話，未免和氣大傷。因為以上事情，使巴打考慮搬離父母，獨居自立，可是「月入萬八搵得唔多」似乎成了一大障礙，更求問其他網友：「係唔係唔應該搬出嚟住劏房」、「係咪應該繼續扮乖仔孝順」？
【相關報道】
【相關報道】
有部分網民看了這個 post 後，不約而同地表示跟巴打同病相憐，留言圍爐取暖一番。「啱啱先畀人拍枱叫我同女朋友搬」、「我有個親戚朝早同廢老鬧交晏晝已經揾地產睇樓」、「X，我屋企都係咁，藍到 X 街，好似身處地獄咁，好辛苦」。不過有網友認真而論，要面對租屋這個龐大支出，巴打的「月入萬八」確是難以負擔，「月入 8 萬先諗呢個問題啦，萬 8 養架車都冇得淨」，即使真的要租屋也好，亦應多找伙伴合租。「萬八租屋、房住好吃力，儲唔到錢，日常開支都赤字，元朗勁吊腳村屋可能仲有平，但治安交通時間負擔又係返度。搵人夾啦，但一定要信得過，租租吓是但一個唔租就好好煩」、「認真我都想，三個人夾個三房單位，每人都唔係好貴」。
正因為巴打月入萬八就想着「越級打大佬」租屋自住，因此有網友建議現階段應繼續跟家人同住，並多儲一點錢養精蓄銳。網友提議：「住屋企，唔好畀家用，當屋企係酒店，只係返去換衫沖涼瞓，唔好喺屋企食飯，佢哋講嘢唔好出聲，一係入房一係即刻出街，頂唔順先再走都未遲」、「賺得又唔係多，堅持住落去，除左瞓覺，多數時間外出好過，錢照儲，日後必有用途」、「唔應該搬。忍下，都借呢個機會學吓點同其他人相處。到你搵三萬六𠴱時先再搬吧。」
精選網民留言：
贊成派
- 搵吓有無果啲半間嘅村屋 300 呎鬆啲，應該會比較適合你。
- 搬去新界住，特別係沙頭角村屋好多四五百呎 5,000 左右有交易，有啲仲有車位
- 搬。我有個親戚朝早同廢老鬧交晏晝已經揾地產睇樓，有啲行動力
- 認真我都想，三個人夾個三房單位，每人都唔係好貴
- 搵人夾租啦，點會揀住劏房
反對派
- 住屋企，唔好畀家用，當屋企係酒店，只係返去換衫沖涼瞓，唔好喺屋企食飯，佢哋講嘢唔好出聲，一係入房一係即刻出街，頂唔順先再走都未遲
- 萬八租屋、房住好吃力，儲唔到錢，日常開支都赤字，元朗勁吊腳村屋可能仲有平，但治安交通時間負擔又係返度。搵人夾啦，但一定要信得過，租租吓是但一個唔租就好好煩
- 除非唔儲錢，otherwise，don’t。利申：自己搬出嚟住
- 賺得又唔係多，堅持住落去，除左瞓覺，多數時間外出好過，錢照儲，日後必有用途
- 月入 8 萬先諗呢個問題啦，萬 8 養架車都冇得淨
【相關報道】
【相關報道】
Source: lihkg