勞工處招聘廣告「奴工價」請半山家庭司機? 網民:請司機炫富但出手又低

| Kay | 19-06-2019 13:27 | |

勞工處招聘廣告出名低薪,相信是人所共知的事情,久不久就會有網民踢爆勞工處刊登「奴工價」的招聘廣告。最近有網民轉貼一則勞工處聘請家庭司機的招聘廣告,要求求職者在半山羅便臣道取車工作,擁有「中五程度;5 年經驗;良好粵語優先;一般普通話;良好英語優先;懂讀寫中文;懂讀寫英文;持有私家車駕駛執照;良好駕駛記錄、熟悉香港道路、守時有禮、有責任心、工作期間不煙不酒」等資歷,但每月薪金,只得公認「奴工價」的 HK$10,000 至 HK$15,000。

【相關報道】準時收工被 Old Seafood 暗寸!90 後巴打難明「辦公室文化」

【相關報道】大學畢業生求職「75 中 1」月入 12.5K?網民嘲:譚仔阿姐分分鐘人工高過你

這則勞工處招聘廣告另一個讓人嘩然的項目,是要求求職者每星期工作 5 天至 6 天、輪休、上班時間為上午 8 時至中午 12 時及下午 5 時至下午 8 時,意味當中設有 5 小時的「落場」時間。難怪此 post 一出,一致被網友大罵「出手低」:「請司機嚟炫富但出手又低」、「15K 半更應該有人做,全日加落場就食 X 吧」、「中間落場都諗到......變種 12 小時工」、「講真有這樣的條件唔駛做家庭司機啦」。

此外,有網民表示以這樣的薪金聘請家庭司機,相比做巴士司機、譚仔三哥、洗碗工人的薪酬都還要低得多,甚至「車房洗車都高人工過佢」,以及「就算落場時間可以攞部車出嚟做 Uber 都做唔過」。其實觀望一眾留言,有巴打早已看透世事,因為該留言提到「係筍工就唔使報勞工處啦」!

精選網民留言:

  • 係唔係包食宿?中間落場可以喺主人房休息
  • 請司機嚟炫富但出手又低
  • 15K 半更應該有人做,全日加落場就食 X 吧
  • 中間落場都諗到......變種 12 小時工。仲未計埋返工時間。得 15,000 蚊我不如搵份正常時間。
  • 叫的士啦
  • 嘩,佢請到人先奇
  • 咁嘅待遇我不如去揸巴士
  • 講真有這樣的條件唔駛做家庭司機啦
  • 12 至 5 點,係咪可以拎架車去遊車河先
  • 如何中五程度,但又良好英語呢?有良好英語都唔做呢份工啦

網民最近發現的一則勞工處「奴工價」招聘廣告,為月薪 HK$10,000 至 HK$15,000 聘請半山家庭司機。

此 post 一出,一致被網友大罵「出手低」。

【相關報道】一家三口辭工全職製假鈔!半年來賺錢不及打工多?

【相關報道】被公司炒後仍要返多一個月工? 網民建議:梗係搏老命搞亂個檔

Source: 勞工處, Eric Chow @ 馬路的事討論區 Facebook

相關文章

Page 1 of 21