打尖是十分惹人討厭的行爲，不少人遇到都會出聲維護自己的權益。近日網傳一單阿伯在港鐵排隊打尖的事件，面對有年輕人出聲指責，阿伯竟龍精虎猛地連續起飛腳。但當見到有人報警後，下一秒就突然瞓地，認真峰迴路轉！
【相關報道】
【相關報道】
網民 Keff Chin 在 Facebook 分享事發經過。據指，一名阿伯坐地鐵時不排隊，反而站在閘門前中央想打尖。有年輕人出聲指責，這時阿伯竟大大聲反駁：「我係咁㗎喇！」並有推撞行爲。其他人開始舉機拍下現場情況，阿伯見到就即刻連續起飛腳，差點踢跌拍攝者的手機。見事態開始失控，被踢者報警，而其他人就幫忙撳住阿伯。阿伯眼見情況失利不停說：「我冇打人！」然後就突然倒下，之後更鬼祟地偷望大家一眼就合上眼皮安心瞓地。有旁觀者大叫：「唔好扮嘢啦。」但亦有年輕人立刻上前查看阿伯的情況，全程被網民拍下來。
過了不久，港鐵職員帶著輪椅到達。了解情況後，網民引述有職員說：「阿伯唔好吸地氣呀，唔健康㗎～」網民最後表示：「阿伯你要明白，郁手郁腳唔文明呀，打尖真係唔啱㗎，知無？」、「周圍都有 CCTV 同埋手機㗎～想屈人，都用下個腦先啦好無？」
不少網民留言，笑說：「阿叔恥力全開」、「以佢年紀出腳算快，真係食過夜粥」、「好假哦 ... 笑死」、「唔係瞓低就冇事嘅，要承擔返個責任」、「最雞男主角」、「月台有 cctv」、「廢老真係好可愛，可愛在即興表演得嚟又唔連戲」、「幫手癱瘓地鐵？」、「阿哥該去考香港警察。年紀唔係問題。完全係一個好警察材料。」、「老人似細蚊。偶然要扭計」、「咁好功架都要扮暈」、「你話下班車到咗，佢即刻起身上車」、「果兩嘢飛腿，好有殺傷力」無論如何，打尖都不是正確的行爲啊。
【相關報道】
【相關報道】
Source：Keff Chin @ Facebook