【逃犯條例】士多 Ztore FB 圖以「老闆不代表我」釀公關災難!曲線幫 HKTVmall 拉客?

| Kay | 14-06-2019 15:16 | |

子華神黃子華金句眾多,其中一句是:「做人冇公關,食 X 啦!」之不過,公關也有智慧高低之分,稍一不慎都可以釀成公關災難,引得全城熱話及 unlike。今日(6 月 14 日)新鮮滾熱辣的公關災難,就是士多 Ztore 的「你老闆,我唔同意喎!」FB post,試圖為早前品牌創辦人之一凌俊傑(Clarence)「撐送中 post」洗白。士多 Ztore 洗白 post 提到:「喺士多,我哋每個人都可以用各自嘅方法去表達自己睇法。支持、反對、無意見嘅,都一直喺士多內共存。三個老闆之間、伙計之間,各有自己睇法,沒有誰怕誰,誰 follow 誰。因此,今日我哋可以大大聲同呢個老闆講:你係出糧俾我,但你嘅睇法唔代表我,亦唔代表士多。士多同香港一樣,沒有單一,只有多元。」

【相關報道】【逃犯條例】立會秘書處宣布周五不開會!仍未公佈二讀日期

【相關報道】Telegram 遭受強大 DDoS 攻擊! CEO:時間與香港反逃犯條例示威吻合

此 post 一出,旋即令不少網民怒意急增,派嬲者不計其數。有網民坦言罷買及取消士多 Ztore 帳戶,無慮割蓆無回頭之外,甚至表明「訂番 HKTVmall 算」。「或者辛苦少少幫襯番 HKTV﹐最多自己去攞貨!」、「撐送中的老闆,我以後不會幫襯(拜拜)大家一起幫襯 HKTVmall!」、「建議 HKTVmall 要畀 special discount 士多舊客」。同時也有網民勸喻士多 Ztore「唔好再扮本土」,因為「唔會再有人上當」,以及「已經有華記呢個負面例子,打香港旗號嘅偽本土,因為單方面嘅所謂正義而露出馬腳。」

這個 post 除了讓網民決心跟士多 Ztore 說再見外,也有網民不忘分析是次公關災難出現的原因,是源於企業營運及形象問題。「的確你老闆唔代表你,但你老闆代表品牌」、「喺 business management 入面,其中有個理論係講一間公司嘅成功,係好基於員工嘅思想立場係同公司一致,咁樣先可以令公司處理問題嘅時候可以更加有共識同埋更快去解決問題」、「就算你擺『多元』上檯,都拆唔掂。你既然用得『本土』呢個定位嚟 cap 水,就無得喺呢個大是大非嘅局勢,先嚟扮『中立』。更何況你係瀨咗嘢,先嚟出 post 講嘢」、「唔好為咗生意額就口輕輕同老細割席,好肉酸!」。

精選網民留言:

  • 或者辛苦少少幫襯番 HKTV﹐最多自己去攞貨!
  • 建議 HKTVmall 要畀 special discount 士多舊客
  • admin,我相信 Ztore 唔係個個都好似老細(之一)咁,但我真係一蚊都唔想俾佢賺,除非佢退股,否則佢一日喺度,我一日都唔會再幫襯
  • 的確你老闆唔代表你,但你老闆代表品牌。會花溢價支持真香港貨嘅人,消費時必反映其附帶信念
  • 唔好諗住 PR statement 扮員工啦,洗白唔到㗎喇,個老闆出嚟切腹都救唔返你呢間嘢
  • 喺 business management 入面,其中有個理論係講一間公司嘅成功,係好基於員工嘅思想立場係同公司一致,咁樣先可以令公司處理問題嘅時候可以更加有共識同埋更快去解決問題
  • 就算你擺「多元」上檯,都拆唔掂。你既然用得「本土」呢個定位嚟 cap 水,就無得喺呢個大是大非嘅局勢,先嚟扮「中立」。更何況你係瀨咗嘢,先嚟出 post 講嘢
  • 老闆管理公司,有樣嘢叫「知行合一」,唔好為咗生意額就口輕輕同老細割席,好肉酸!
  • 畀多個資訊你,解決公關災難時間真係好緊要,我相信 Ztore 員工尋晚一定瞓得唔好,關心事件丫麻。如果你老板單嘢出事兩粒鐘,你地員工夠薑出聲明叫真心。商討過後,今朝出個咁既 Post 叫拆彈。咁簡單嘅道理都唔明,係咪真係當我地傻仔?人講我就信?
  • 可能小編同一眾員工都係身在曹營,今次就畀你地知道自己同緊一個咩人打工,係時候回應自己嘅良知,轉工吧啦

今日(6 月 14 日)士多 Ztore FB 圖以「老闆不代表我」post 洗白,慘釀公關災難。

士多 Ztore 出 post 洗白的原因,是因為品牌創辦人之一凌俊傑(Clarence)的「撐送中」言論。(圖左為凌俊傑「撐送中」原文)

這個 post 除了讓網民決心跟士多 Ztore 說再見外,也有網民不忘分析是次公關災難出現的原因,是源於企業營運及形象問題。

【相關報道】【圖解教學】iPhone 清除 Location History!刪定位記錄免被查行蹤

【相關報道】【逃犯條例】民陣申請本周日再舉行反送中遊行 周一搞「三罷」總集會

Source: 士多 Ztore Facebook

相關文章

Page 1 of 21