網民一人 N 個「娘親自創物理」!晚上關 Router 會減少輻射?

| Kay | 06-06-2019 15:25 | |

娘親可算是全地球最多變的生物,懂得煮飯洗衫,將家庭照料得妥妥當當,已是小兒科,更好的是,不知大家有否發現,每位娘親都會有自己自創的「定律」,稱為「娘親自創物理」?最近有網民以「分享下自己老母創造嘅物理」為題出 post,讓大家細數自己的娘親有何自創定律,保證笑死無命賠!

【相關報道】娘親地獄黑料理嚇窒全家 網民:係時候報恩啦

【相關報道】懷疑娘親係高登絲打?麥樂雞黑暗料理合集

所謂的「娘親自創物理」,有很多是她們覺得絕對真理,但實際而言是有點無稽的事情。例如出 post 的樓主母親相信「風扇過熱會爆炸」、「用夾仔夾住啲衫要掛係室內吹乾,唔係大風會吹走啲衫」、「嘢食買返嚟要搵風扇吹,唔係會好易壞」、「冷氣唔好開咁耐要畀佢抖吓」等。另外有網民提到的「娘親自創物理」,都是 goodest 到無朋友,不知大家的媽媽有否類似理論:「Router 晚上一定要閂,避免過熱 + 瞓覺少啲輻射」、「唔着鞋踩屋企地板會有濕氣,老咗會風濕」、「催人嗰陣時,時間搭九等於搭正,畀人催果陣,搭九等於搭半」等。

在眾多「娘親自創定律」中,最正的留言可說是一位絲打留下奶奶的 9 大自創物理。因為看完以後,必定會有「那來的 goodest logic」的反應。不信的話,大家不妨一看,評個道理吧。

1. 掠衫唔加衫夾會吹落街(利申:掠喺露台掠衫車,車高 1.2 米,露台欄高 1.3 米;主要係細領 T-shirt,包括樽領衫)

2. 今日好猛太陽,要趁太陽晒到之前收衫,唔係會曬熱(我估係怕曬傷)啲衫,着壞人

3. 碗布抹完條生嘅魚,用洗潔精摞完就可以抹碗裝飯食

4. 新鮮肉買返嚟要喺冰箱雪兩個禮拜先食

5. 所有餸(包括湯麵、撈麵)無論蒸、炒、煮定炆,煮嗰陣必定要落豉油豆粉糖鹽胡椒粉,再贊熟油

6. 所有餸,煮到淋就叫好食

7. 地拖要全乾拖地

8. 今日要煮嘅生魚、肉一定要放喺雪櫃生果格,唔係會變壞(用膠袋或報紙包住,緊貼個蘋果嚟雪;無論氣温係 10 度定 30 度)

9. 所有食材都係切絲、切燈籠咁薄嘅片或者切粒粒,那怕係要嚟炆或者煲湯

其他「娘親自創定律」一覽:

  • 催人嗰陣時,時間搭九等於搭正,畀人催果陣,搭九等於搭半
  • 瞓多啲覺,飲多啲水就唔會病
  • 電腦硬件(處理器,硬碟,記憶體,底板)有輻射,好似核廢料咁
  • Router 晚上一定要閂,避免過熱 + 瞓覺少啲輻射
  • 唔着鞋踩屋企地板會有濕氣,老咗會風濕
  • 衣架唔可以挨住擺係窗邊,會爆玻璃
  • 電視熄之前校細聲先,可以保護部電視
  • 嘢食買返嚟要搵風扇吹,唔係會好易壞
  • 冷氣開一陣涼咗就熄得,唔開窗唔會走冷氣
  • 廁所水龍頭嘅水乾淨過廚房水龍頭嘅水

最近有網民以「分享下自己老母創造嘅物理」為題出 post,引得超多網友留言分享娘親自家定律。

在眾多「娘親自創定律」中,最正的留言可說是一位絲打留下奶奶的 9 大自創物理。

【相關報道】3 大媽自稱「關愛座管理員」追罵腳傷少女 網民:妄想症仲竟然三個一齊聚集

【相關報道】大媽著胸圍底褲於香港沙灘游水?網民驚呼:海洋生態災難

Source: lihkg

相關文章

Page 1 of 20