近來市場上湧現 fresh grad 畢業生求職者，希望覓得筍工，不用變「雙失」。之不過，求職除了靠學歷（或實力），運氣都相當重要的，不然就像這位以「FG send 咗 75 份 CV，終於有一份 offer」為題出 post 的樓主一樣，不只求職「75 中 1」這樣慘，還只得 HK$12,500 月薪而被網友恥笑。
【相關報道】
【相關報道】
不少網民得知樓主求職「75 中 1」、月入只得 12.5K 的「雙重打擊」後，不忘恥笑「我 intern 已經 12,000 個月」、「而家 IVE 畢業都 18K」、「譚仔阿姐分分鐘真係高過你」，更有人問及樓主是否 CV 或面試過程出現問題，才落得這樣的低薪收場。之不過，原來擁有像樓主差不多的畢業生求職遭遇，為數也不少。有過來人表示：「鬥慘？我 send 過百份 CV fresh grad 第一份得 11K，垃圾文科仔，搵到工已經要還神」、「舊年三大 Science FG，GPA>3，搵返 related 嘅工，send 咗 30+ 份 CV，得 5 間有得 in，都係冇 offer。最後去咗揸貨 van，人工 18K，仲高過有 offer 嘅 fd，打算遲啲夠錢就讀 master 轉行」、「有兩個 fd 都係 FG 完搵唔到嘢做考紀律部隊」。
另有網友着樓主不用心急找工作做，「搵多陣先啦，而家先 5 月尾」、「15K 先諗啦，做壞開頭」，更分享：「非八大自資院校文科，18 年 grad 慢慢搵工。最後 20K、返一至五、22 日 AL 包睇醫生同牙醫，而家做咗大半年。唔需要搵得太急」。
精選網民留言：
- 我 intern 已經 12,000 個月
- 12.5K，夠搭車定食飯？
- 而家 IVE 畢業都 18K
- 2019 FG？咁快 75 份？15K 先諗啦，做壞開頭，仲有時間繼續搵啦
- 12.5K 不如番譚仔，又冇咩壓力又易上手，得閒同阿姐吹吓水又過一日
- 第一年預咗 underpaid，然後第二年睇返你對上一年嘅成績加返去正常價
- 鬥慘？我 send 過百份 CV fresh grad 第一份得 11K，垃圾文科仔，搵到工已經要還神
- 舊年三大 Science FG，GPA>3，搵返 related 嘅工，send 咗 30+ 份 CV，得 5 間有得 in，都係冇 offer。最後去咗揸貨 van，人工 18K，仲高過有 offer 嘅 fd，打算遲啲夠錢就讀 master 轉行
- 分享下，非八大自資院校文科，18年 grad 慢慢搵工。最後 20K、返一至五、22 日 AL 包睇醫生同牙醫，而家做咗大半年。唔需要搵得太急
- 有兩個 fd 都係 FG 完搵唔到嘢做考紀律部隊
【相關報道】
【相關報道】
Source: lihkg