疑似「蛇頭」聘長者挨 6 小時排 Hot Toys!真玩家怒罵:錢唔係咁賺的

| shiuhk | 28-05-2019 17:18 | |

在《復仇者聯盟 4:終局之戰》(Avengers:Endgame)上映之後,很多人突然發現自己喜歡 Iron Man 以及美國隊長等 MCU 角色,並打算入手以像真度高出名的 Hot Toys 系列 1:6 人偶。結果,這股《復 4》熱潮除了帶來一堆新 Hot Toys 玩家,還帶來了一堆炒家甚至是「蛇頭」。今日(28 日),全新的合金 1:6 Pepper Potts Rescue Suit 正式公開接受預訂,即使風雨交加,一大早依然有人群聚集在旺角信和樓下排隊。之後甚至有疑似蛇頭帶來一眾公公婆婆前來排隊,引起不少爭議!

【相關報道】Stan Lee 離世 Hottoys 人偶炒至天價!粉絲怒罵:好唔尊重

【相關報道】港妻趁老公去旅行賤賣 Avengers Hot Toys 模型!網民:離婚啦

正所謂愈早落訂愈早拎,炒價更高。作爲名義上的「平民首日」,不少炒家都早早排隊希望訂單能炒出個好價錢,而玩家就做足跟炒家消耗體力的準備。不過炒價吸引,有疑似蛇頭除了帶著一批南亞軍團、大媽前來排隊,今日還帶來一班年過半百的公公婆婆來增援。結果,一班長者由早上 7 點多就開始排隊,全部人逼在危險且空氣不流通的信和後樓梯等待 Hot Toys 開門,一等就至少 6 小時以上。結果,有幾百人從信和 20 樓排到落地下,再回頭排上 16 樓,接近 40 多層,見到都覺得辛苦。一班自稱真玩家的網民就在各大 Facebook 玩具群組分享,直擊大媽插隊、婆婆互罵等情況,可謂十分「熱鬧」。有網民忍不住留言曲線諷刺:「依到好有香港 7、80 年代公屋嘅情懷。唔訂野都過黎感受下,學生就溫書,大人就睇戲,小朋友就打機;阿婆就聽粵曲,阿叔就刨馬。」

疑似炒家蛇頭出動大媽、長者排隊。

網民直擊後樓梯大媽插隊,婆婆内戰等情況。

有網民對如此誇張的排隊情況感到擔憂,留言指出:「真係火都黎,你班炒家叫丫婆去排隊,丫婆有咩事係咪你地負責?」、「當有緊急情況,真係有危險喎」、「幫幫忙 call 消防好嗎?」、「我覺得老婆婆好慘,又焗又熱,完全不必要」、「啲婆婆咁樣排一次可以收到幾錢?有冇一百?」、「錢唔係咁賺的!老人家係後樓梯有咩意外點算!」、「見到有老人家係到排,我已把_火上_晒頭」、「真係無陰公」、「人性呢?要_就_炒家、龍頭,唔好閙阿婆。」

但不少一齊排樓梯、被迫食炒價的網民就嘲諷:「唔知以為派平安米」、「街市咁」、「有咩野令婆婆排曬隊呢?愛定係責任啊」、「可能係互助委員會免費量血壓」、「呢啲咪獅山下精神囉」、「其實啲阿婆阿嬸知唔知買乜㗎?」、「阿婆,知唔知呢度買乜㗎,唔係買餸喎」、「有幾多個係真玩家,大家心照啦」、「班阿嬸埋到櫃檯識唔識講訂乜?」、「明明阿婆唔係玩家都走去排隊,我呢啲真玩家要陪佢哋排後樓梯」、「請阿婆創造就業機會啊」、「講到阿婆做義工咁樣,佢哋唔肯做都冇人迫到㗎」、「講真呀婆自己想賺錢先去排,無得迫,執紙皮仲辛苦」、「班呀婆有錢收架喎,咁都有得同情?」、「路係自己揀,_街咪話人。」其實,早前 Hottoys 推出合金 1:6 Ironman Mk 85 以及 Thanos 3.0 時亦出現過如此瘋狂的排隊情況。在什麽都拿來炒賣賺錢的香港,玩玩具從來都不容易呢!

【相關報道】實物大Hulk Gauntlet 終局之戰Rescue裝甲

【相關報道】三款Nano Gauntlet 終局之戰必買珍藏

Source:Hottoys 香港交流區

相關文章

Page 1 of 21