各位香港女士注意，高薪厚職工程師大叔發帖公開求偶！網民「39882888」日前在香港討論區發帖，題為「工程中佬，有中女要嗎？」。樓主在帖子自我剖白，又列出 4 個擇偶條件，希望能覓到「中女」女友，組織二人世界幸福小家庭。
42 歲有私樓
樓主在帖子自我剖白：「男 42 歲，身高 161CM，樣一般，有層 510 尺私樓一人自住，職業工程師，月入68K。夢想有個幸福的二人世界小家庭。」
愛運動去旅行
樓主形容自己是個「成熟男」、有 2 次拍拖經驗、性格比較悶、是個「工程宅男」；喜歡行山，有做運動，一年最少去 5 次旅行。
工程師大叔公開列出 4 個擇偶條件：
- 想搵一個簡簡單單既中女，
- 陪我行街，睇戲，食飯，
- 踩單車，
- 去旅行係咁簡單。
承諾每月送禮物
工程師在帖子末送彩蛋：「岩時間可以日日接你放工帶你去食飯，一個月準備一個小禮物，大時大節生日送花送貴野甘。」
網民：「好過 IT Manager」
高薪工程師、愛運動去旅行、更有私樓自主。如此「筍盤」，不難吸引網民注目，踴躍討論。截稿前，帖子贏得 12,902 個點擊，185 則回覆。有網民表示：「月入68K 好過乜鬼 IT Manager」，工程師樓主回應：「其實小弟已經去到接近 PM grade, 所以先有呢個 pay。」
有網民不解：「月入 68k... 沟唔到女 ... 你要求好高？」樓主解釋：「單身多年可能習慣左，問題應該出在冇乜點主動。」
有網民好奇：「玩夠 IT 啦？」工程師樓主連忙否認：「唔係玩架，所有都係小弟現時情況，見格離師兄個 post 情況似小弟所以抄左 dd。」
「我都高過你」
網民甲突破盲腸：「我都高過你」，工程師樓主慨嘆：「至命傷呀，其實我得 54 kg 小型身材」，網民甲鼓勵：「必有人欣賞嘅。」
網民乙質疑：「最鐘意行山, 但就希望搵個陪你行街，睇戲，食飯，踩單車，去旅行的人, 咁大班都幫你唔到喎！ 我最鍾意飲酒, 所以去跳茶舞, 想搵個陪我飲酒的人,大班完全幫到手, 你的講法即係去教堂問人過夜幾錢, 然後去新填地街問 d 真愛信唔信耶穌，耶穌我信架, 精工果個嘛．」
不期望女伴一起行山
樓主坦承不期望女友一起行山：「要搵個女朋友陪行山相信遠遠比其他果幾樣難，所以唔 expect 會搵到，行山搵山友。」網民乙狙擊：「咁即係你個人好鍾意安靜的生活, 但就晚晚落 club 希望搵到如意中人。」
【精選消息】
【精選消息】
Source：香港討論區