喪假復工買珍奶遭上司暗寸?網民一人一個分享被寸經歷

| TT | 21-05-2019 13:16 | |

打工仔經常說「有個好上司比入間好公司更重要」,證明打工仔們多麼渴望有一個通情達理的上司!有打工仔日前在 Facebook 「奴工處」內發文,指自己身邊一名同事最近因爺爺過身而請喪假,在復工後首日,對方中午吃飯時買了杯珍珠奶茶,回到公司後被上司碰見,上司即時暗寸對方「有心情買珍珠奶茶,都唔知你之前攞假係唔係講真話 …」令當時在旁邊聽到此番說話的樓主亦當場「呆 X 咗!」

【相關報導】單親子請假為亡父處理後事!無情老闆照鬧:去咗爸爸就會起死回生?

對於這種「講風涼話」的上司,大部分網民也覺得上司很無理,更因而紛紛留言分享自己的遭遇:

  • 我以前同公司請假去阿公喪禮,HR 嘅同事問:你唔似嘅?你想我係公司喊喪喊返七七四十九日先?
  • 我以前媽咪死後,我的 dept head 話我腳頭唔好,叫我自己辭職。最後被我搞到佢同我一齊辭職,我仲遲佢一日走
  • 真人真事,主角係我。之前我 X 街,右手骨折。舖經理日日打嚟問我番得工未,其他舖經理又話右手骨折啫,左手無事,做咩唔番工呀
  • 我試過屋企人就唔係度,有個 X 街經理同我講,我估你都唔洗睇成日,探病時間去到 8:00,你到時 9 點返嚟未得囉!反正你係醫院都做唔到啲乜!
  • 慶幸小弟我以前遇到個好老細~我阿爺走果陣我收到電話,公司即時比走,仲即刻畀我放幾日大假去搞身後事~

同時亦有網民表示不理解為何上司能如此冷血,「呀爺死咗 = 唔可以飲珍珠奶茶」、「係咪要係公司設個靈堂等呀上司你自己會一會爺爺先滿意?」、「有時真喺唔明,做上司嘅好多時都喺打份工,分別只喺人工高啲,講嘢咁無口得為乜?」、「發生呢啲事唔體諒仲要講啲咁嘅嘢,贈返佢,你出殯我一定笑住送你!」

網民留言

【相關報導】打工仔肚屙去廁所被問「點解唔一早去定先」!網民:叫上司一早飲曬全日所需嘅水

【相關報導】打工仔放假電髮後被上司嫌唔好睇! 被要求一星期還原

Source:奴工處 @ Facebook

相關文章

Page 1 of 21