自攜污糟摺杯買飲品!竟要求店方洗杯再問:唔肯做多幾步?

| TT | 16-05-2019 14:31 | |

近年,愈來愈多人重視環保,不少餐廳都會鼓勵客人少用外賣即棄餐盒餐杯。不過,若自備餐具,顧客是否有責任先將器皿自行清洗乾淨呢?有在歡迎食客自備外賣容器任職的員工,於 Facebook「西客之道」內分享,指遇過有自備餐具的客人,要求自己要先為其自備杯子洗乾淨再裝飲品。

【相關報導】OL 食 30 蚊茶餐付「金牛」結帳!苦候 1 小時找續崩潰指:其實我有散紙

樓主指,之前遇過有食客到店內點了一杯凍飲外賣,並拿出自備的摺杯,表示毋須用外賣杯。樓主之後發現,對方提供的摺杯內尚有小量咖啡,並指「擺明係飲完無洗直接咁俾我地」,所以建議先用紙杯或請對方先自己將摺杯清洗乾淨。誰料,對方聽後馬上「發爛」,大聲斥責樓主「唔識幫我洗架咩?又話支持環保又唔肯做多幾步?」樓主指自己當時為息事寧人,只好委屈地幫對方先清洗乾淨摺杯,再將凍飲裝進去。事後樓主直斥:「如果係有心環保嘅就唔該唔好攞個勁污糟既杯買外賣,你食落肚既有咩事我地都要負責!」

不少網民都紛紛留言批評顧客,「自備杯唔洗就唔應該要人裝落去,肚痛又賴人」、「同環保無關,同人品有關。」、「環保 L 真係社會毒瘤」、「環保唔係問題,問題係人嘅質素。唔好將環保越來越負面」,同時亦有網民指責樓主不應屈服,「千祈唔可以屈服」、「屈服=縱容!開頭你又話怕麻煩,最後又叫人擺上網,想點者」、「唔洗,唔可能幫佢洗杯!西客堅持咪就咁入落去,我理得你隻杯污糟!」

網民留言

【相關報導】無拎籌強行入座不願離開!霸氣餐廳經理拒服務獲網民讚:好波

【相關報導】準爸爸要求九巴司機等懷孕妻才開車!遭拒後放上網公審反被鬧爆

Source:西客之道@Fb

相關文章

Page 1 of 21