準爸爸要求九巴司機等懷孕妻才開車!遭拒後放上網公審反被鬧爆

| TT | 16-05-2019 12:10 | |
準爸爸要求九巴司機等懷孕妻才開車!遭拒後放上網公審反被鬧爆

女人懷孕的確辛苦,但懷孕並不代表就橫行無忌!一名準爸爸日前在 Facebook「北區」群組內指,自己與懷孕的妻子欲乘九巴,自己見巴士已到站便「行快幾步」先上車,然後要求司機再等等妻子,但巴士司機拒絕,並提醒準爸爸「等人要係站等,唔係車等人」,準爸爸的要求被拒,心有不甘便將巴士的車牌號碼、司機的姓名等資料拍下,並在群組內大罵該名司機沒有同情心,可惜卻被網民反嘲「想架車等你,自己買車請司機啦!」

【相關報導】

該名準爸爸指自己於晚上 9 時左右在廣華醫院門口欲乘搭九巴 270A 由尖東(麼地道)開往上水的巴士,當時他眼見巴士已到站便「行快幾步」先上車,並向司機表示「我老婆係孕婦,行得慢差幾步先到」,但司機卻在霸道準爸爸上車後便關門,更指「唔等得!」霸道準爸爸再次向司機表明「妻子懷孕,就到!等多陣」,司機再次重申「等人要係站等,唔係車等人」,霸道準爸爸見要求被拒便老羞成怒大罵司機,最後更「得戚」地指「我罵佢先好勉強等多幾秒,等我老婆上車」,涉事夫婦最後到粉嶺花都廣場下車時仍對司機拒絕等人的說法深感不滿,便上前拍下司機的樣子,企圖「網絡公審」司機。

準爸爸要求九巴司機等懷孕妻才開車!遭拒後放上網公審反被鬧爆
涉事司機

準爸爸要求九巴司機等懷孕妻才開車!遭拒後放上網公審反被鬧爆
霸道準爸爸拍下司機的個人資料,欲網絡公審司機

樓主的「公審文」一出,即引來不少網民反指樓主自私,「成村人等佢老婆一個,正人渣」、「叫佢買私家車,又要窮,又要威,食屎」、「司機沒有錯吧!咁有需要請人地等,不如坐的士吧!」、「要成車人等你一個 唔會覺得唔好意思?」、「司機有權唔等」、「又一個以為大肚婆就大晒的家庭,係要坐就你早啲去巴士站,要幾十人等你一個老婆,人地成家人係屋企等緊返屋企呀」、「冇同情心又小氣既老公諗住攞返個尾彩影人相公審人哋,到最後畀人公審返轉頭真係笑死我」,同時亦有網民認為懷孕不應「追巴士」,「其實大肚唔應該追車,好易肚會陣痛」、「其實你老婆大住個肚你唔應該叫佢趕嗰幾步!下次預早啲時間啦!」、「太太懷孕也盡量不要她辛苦趕車。遲一點去到目的地,好過永遠去不到。」

準爸爸要求九巴司機等懷孕妻才開車!遭拒後放上網公審反被鬧爆
霸道準爸爸反被網民大鬧「自私!」

準爸爸要求九巴司機等懷孕妻才開車!遭拒後放上網公審反被鬧爆
霸道準爸爸的公審文

【相關報導】

【相關報導】

Source:北區@Fb

相關文章

Page 1 of 11