不同舖買同一品牌蜂蜜綠茶有不同色? 網民:一支深色到好似烏龍茶

| TT | 15-05-2019 17:24 | |
不同舖買同一品牌蜂蜜綠茶有不同色? 網民:一支深色到好似烏龍茶

同一樣的產品,在不同地方購買,品質理應一樣。不過,有網民日前在「巴打絲打 FacebookClub」群組上載相片,指自己分別在便利店及街邊士多,各購入一支同一品牌的蜂蜜緣茶,唯發現兩相同產品卻呈現明顯深淺不一的顏色,所以樓主便附上照片請教一眾網民。

【網絡熱話】

根據樓主所述,兩支綠茶均是新買未開封,左手邊較淺色的是從便利店購入;右手邊較深色的是從街邊士多購入。從照片可見,明顯右邊的綠茶比左邊的深色許多,而樓主之後亦補充:「淺色 2020 年先到期,深色下個月 5 號到期,顏色可以差咁遠?我飲過 2 支都一樣味道。」

不同舖買同一品牌蜂蜜綠茶有不同色? 網民:一支深色到好似烏龍茶
樓主指左手邊較淺色的是從 7-11 便利店購入, 而右手邊較深色的是從街邊士多購入

網民紛紛留言,猜測顏色不一的原因,如:「會唔會放到發霉」、「是否被太陽曬過」、「就過期,放得耐」、「老翻茶」、「可能包裝錯咗姐」,同時有網民則笑指「新產品道地紅茶,淨係內部測試緊架咋,咁都俾你買到」。不過亦有網民細心地為樓主分析:「我睇埋之前既留言… 士多就到期放得耐氧化咗係會變深色~ 我平時做甜品用嘅抹茶粉都會有同樣情況,放響雪櫃入面唔接觸倒光線,放佢三日都係鮮綠色… 放出嚟做 display 嘅雪櫃接觸倒光線,一個鐘已經有明顯分別變深色咗~ 如果七仔果支比較新鮮,距離 2020 仲有成年,而士多果支又就到期,即係可能已經因為放得耐見光左成年而氧化變色~ 如果飲既味道係無異樣既話,應該無咩問題嘅!」

不同舖買同一品牌蜂蜜綠茶有不同色? 網民:一支深色到好似烏龍茶
有網民細心地為樓主分析原因

【網絡熱話】

【網絡熱話】

Source:巴打絲打 Facebook Club

相關文章

Page 1 of 11