7人車疑因停車場彎位太窄刮花車身!網民嘲:可能架車身痕

| TT | 15-05-2019 12:03 | |

香港土地不足,不少停車場的設計都十分狹窄,要愛車可以毫無損傷地進出停車場,司機的技術非常重要!有網民於 Facebook 群組「小心駕駛」內分享一輛 7 人車在離開停車場時疑因「睇錯位」,在轉彎時右邊車身直貼牆壁,導致右邊車身嚴重刮花,除了妨礙後方車輛出車外,7 人車司機更老羞成怒,一直大聲叫罵!

【相關報導】「泊車 L」高難度泊位! 網民嘲:呢個真係車手

樓主當時駕駛著電單車,尾隨涉事的 7 人車,從影片可見,該輛涉事的黑色 7 人車正在落斜,到彎位時疑因「睇錯位」導致右邊車身完全貼在牆壁上,而司機亦無倒車重新「攞位」,任由車身與牆壁互相摩擦,之後涉事司機更多次大聲叫罵,原本只需半分鐘的車程,7 人車司機足足花了 3 分鐘才轉過彎位,成功出閘,令樓主不禁嘲笑對方「你話你係咪好羞家得過份吖?!」

7人車司機堅持貼牆繼續行

車身被嚴重刮花

影片可見,左手邊其實尚餘大量空位

樓主的影片一出,馬上引來大量網民質疑  7 人車司機到底是否「無牌駕駛」,「佢做乜嘢啊,手車屎,沒有檢討過自己,反而鬧人!」、「唔識揸車就唔好學人揸咁大架車啦」、「燥狂症都攞到車牌」、「智力問題,不是技術」、「個牌買返嚟架垃圾」。同時有網民嘲 7 人車司機,「學神都睇佢唔起」、「左邊有鬼?我見大 X 把位喎」、「係要走灣心都冇佢符」、「真唔好再揸車」,有網民更透露涉事停車場位置秀茂坪邨,呼籲各駕駛人士小心!

網民留言

有網民事後重返涉事停車場,見到該彎位牆身被刮至多處甩色

【相關報導】港人日本自駕遊租車衝入沙灘發帖求救 網民:報警最快!

【相關報導】港人沖繩自駕亂泊車被公審!OTS 租車公司重申 4 大泊車注意點

Source:小心駕駛@Fb

相關文章

Page 1 of 21