親戚食飯一直奉旨唔畀錢 偶爾畀一次錢即斥樓主唔夾錢?

| TT | 15-05-2019 11:27 | |

食飯畀錢是常識吧!有巴打網上討論區大嘆親戚每次食飯都「奉旨」不夾錢,每次都要樓主請食飯,母親節當日樓主自覺「請咗太多餐」,決定飯後不再主動買單,惟親戚居然當場直指樓主「未畀錢」,事後打電話向樓主追數不果,怒斥「知唔知好無禮貌!」,令樓主嬲爆直斥一眾親戚「無恥!」

【網絡熱話】旺角一個菠蘿包要 HK$30!網民嘆:邊係平民食

樓主指自己今年未到 30 歲,已出來社會工作多年,每次與親戚食飯時,親戚們都是「拍拍屁股就走」,不會主動埋單,只好由樓主自掏腰包為眾人埋單,而且事後親戚們亦不會主動「夾返錢」,直至上周日的母親節,樓主再次與親戚們食飯,而這次樓主自覺以往都是自己買單,故今次食飽後並無打算付錢,所以到埋單的時候,樓主打算轉身走人,被其中一名親戚當眾直指「你未畀錢!」,令樓主十分憤怒,「直接扮聽唔到走咗」。

豈料,晚上其中一名「厚臉皮」親戚居然打電話向樓主「追數」,指樓主沒有付錢便離去沒有禮貌,更指「我唔理呀!你要夾返錢,你有份食,你咁大個人應該要知呢啲人情世故,你知唔知呀,我教醒你乍!」樓主聽後十分勃然大怒,直斥其親戚居然「為咗幾百元做到咁醜!」更指自己以往已多次請客,事後亦無要求眾人夾錢,所以詢問一眾網民該如何面對這群「無恥」親戚。

不少網民都紛紛留言支持樓主,表示「下次唔好去啦」、「有能力咪幫下啲廢人,又唔係多,不過無文化嘅親戚,識嚟都冇用」、「以後唔出現果班親戚聚會得唔得呀?」同時有網民指樓主應「有樣學樣」問親戚要回之前的食飯錢,「學番佢講道理呀嘛」、「咁你咪 X 囉,應該即刻話自己大懵唔記得,位位收返錢」、「今餐係佢條數度扣,計埋佢仲爭你幾多畀佢睇」。不過同時亦有網民認為是樓主的問題,「一日唔反抗,佢哋都繼續當你水魚」、「搵得多,都唔代表要『老馮』」、「你應該即場 XX 佢,啲親戚做人做到咁低賤」、「樓主唔識駁翻?睇嚟你都係好軟果啲人,畀親戚食住上!」

網民留言

【網絡熱話】安徽男給狗狗取名「城管」 涉尋釁滋事被拘留

【網絡熱話】公審年輕男女港鐵不讓座!樓主反被網民嘲:咁有善心扮櫈俾佢坐丫嘛

Soure:連登討論區
Photo:經濟日報圖片庫(示意圖)

相關文章

Page 1 of 21