不少人也喜歡玩夾公仔機，但最多也只是在街上的店舖玩，有誰會想到屋企也可玩夾公仔機呢？有連登巴打在討論區以「屋企人癡 X 咗線」為題，上載相片指「有睇過我啲 post 都知道我全家人都好鍾意夾公仔，所以索性買咗部返屋企玩算。」只見其相片是一般街舖人等身高的夾公仔機，而非是玩具迷你夾公仔機，難怪其他網民見狀，迅即瘋狂派 like 兼留言！
【相關新聞】
【相關新聞】
網民們除大讚之外，更留言謂「好正，可以無限練手勢」、「校到次次到夾到，成功感 100 分」；亦有網民表示，買一部回家好過將錢貢獻畀其他人。更有網民「突破盲腸」指樓主「屋企一定又大又有錢」，否則又怎樣可以放到這麼大部夾公仔機呢！
另外，最多網民問及的其實是夾公仔機的價錢，而樓主就指夾公仔機是在淘寶購買，大約 5,000 元左右。有網民就覺得貴，但亦有網民認為價錢合理，更指有時去玩一次夾公仔也花費數百、甚至過千元，如今只需 5,000 元就可滿足到需要，確係價錢合理。而小記在淘寶網搜尋發現，一般等身高大小的夾公仔機價錢介乎在 1,300 元人民幣（約 HK$1,484）至 4,000 元人民幣（約 HK$4,565）不等。未知各位夾公仔粉絲，又會否學樓主買機在家玩呢？
【相關新聞】
【相關新聞】
Source：lihkg